28 DE ABRIL-4 DE MAYO

PROVERBIOS 11

Cʼay 90 yicʼot oración | Tʼan tac chaʼan i tejchibal (1 min.)

ÑUC TAC BɅ I CʼɅJÑIBAL TI BIBLIA

1. ¡Mach a wʌl!

(10 min.)

Mach a wʌl muʼ bʌ mejlel i low yambʌlob (Pr. 11:9; w02-S 15/5 26 párr. 4).

Mach a wʌl muʼ bʌ mejlel i yʌcʼ tʼox bʌ (Pr. 11:11; w02-S 15/5 27 párr. 2, 3).

Mach a wʌl mach bʌ yomic miʼ yubin yambʌlob (Pr. 11:12, 13; w02-S 15/5 27 párr. 5).

Yaʼ tiʼ Yotlel tempa bʌ chaʼtiquil hermanojob woliyob ti tʼan, juntiquil woliʼ yʌl mach bʌ weñic tiʼ tojlel jiñi hermano woliʼ bʌ i cʼotel baʼañob.

CHAʼAN MAʼ WEN ÑAʼTAN: Cheʼ bajcheʼ tsiʼ yʌlʌ Jesús ti Lucas 6:45, ¿chuqui mi caj i coltañonla chaʼan maʼañic mi lac low yambʌlob ti chuqui mi la cʌl?

2. Laʼ lac sʌclan ñuc tac bʌ i cʼʌjñibal

(10 min.)

Pr. 11:17. ¿Bajcheʼ miʼ coltañonla cheʼ mi lac pʌs lac pʼuntaya? (g20.1 11, recuadro).

I jacʼbal
¿Chuqui ñuc tac bʌ i cʼʌjñibal tsaʼ taja tiʼ pejcʌntel jiñi Biblia ili semana?

I jacʼbal

3. I pejcʌntel jiñi Biblia

(4 min.) Jn 18:1-14 (th cʌntesʌntel 5).

SUJTEN TI WEM BɅ XCɅNTESA

4. ¿Bajcheʼ miʼ mejlel a tech tʼan?

(4 min.) SUBTʼAN BAQUI JACH AÑONLA. Qʼuele bajcheʼ miʼ mejlel a suben juntiquil lac piʼʌl chuqui tsaʼ cʌñʌ ti tempa bʌ (lmd lección 2 punto 4).

5. Mele revisita tac

(4 min.) SUBTʼAN BAQUI JACH AÑONLA. Qʼuele a wicʼot jiñi lac piʼʌl jumpʼejl video am bʌ ti la queʼtijib chaʼan bʌ cʌntesa, pero mach a ñoj pʌs (lmd lección 8 punto 3).

6. Sutqʼuin ti xcʌntʼan yañoʼ bʌ

(4 min.) SUBTʼAN BAQUI AN CABɅL LAC PIʼɅLOB. Suben jiñi lac piʼʌl jumpʼejl estudio loqʼuem bʌ ti Biblia i pʌsben bajcheʼ miʼ mejlel (lmd lección 10 punto 3).

I MELBAL JIÑI XÑOPTʼAN

Cʼay 157

7. Mach a wʌl muʼ bʌ mejlel i jisan ñʌchʼtʌlel

(15 min.) Tsajin yicʼot yaʼ bʌ tempʌbilob.

Come xmulilonla an i tajol mi la cʌl mach bʌ i wentʌlelic mi la cʌl (Snt 3:8). Cheʼ mi lac ñaʼtan chuqui miʼ mejlel ti ujtel mi tsaʼ la cʌlʌ mach bʌ weñic, mi caj i coltañonla chaʼan maʼañic mi lac chaʼ ñaʼtan lac bʌ chaʼan chuqui tsaʼ la cʌlʌ. Ili jintacʌch muʼ bʌ mejlel i jisan jiñi ñʌchʼtʌlel ti congregación:

Mach a pʌs a bʌ ti ñuc chaʼan chuqui an a chaʼan. Ili miʼ mejlel i tech wocol, tajol jiñi yambʌ hermanojob miʼ tech i tsʼaʼleñonla i mi caj i sʌclañob i chaʼan jaʼel (Pr. 27:2).
Cheʼ mi la cʌl mach bʌ i sujmic. Mach lac toʼol chaʼlen lot, pero cheʼ jaʼel maʼañic chuqui yom mi lac toʼol suben yambʌ lac piʼʌl chaʼan jach mi la cʌqʼuen i ñaʼtan chuqui mach bʌ cheʼiqui. Cheʼ mi lac mel bajcheʼ iliyi, ti wiʼil tajol maʼañix mi caj i ñopob chuqui mi la cʌl(Ec. 10:1).
Jiñi chisme. Ili jiñʌch cheʼ mi la cʌl yambʌ lac piʼʌl i qʼuexelix chuqui mi la cʌl tiʼ tojlel o cheʼ mi la cʌl mach bʌ yomic miʼ yubin yambʌlob (1Ti 5:13). Miʼ mejlel i tech michʼ o tʼox bʌ.
Tsʌts bʌ tʼan. Jiñʌch cheʼ mux lac tech lac pejcan ti tsʌts bʌ tʼan jiñi tsaʼ bʌ i melbeyonla mach bʌ weñic chaʼan tsaʼix michʼayonla (Ef 4:26). Mi cheʼ mi lac chaʼlen tʼan bajcheʼ ili, miʼ mejlel lac low yambʌlob (Pr. 29:22).

Foto tac chaʼan jiñi video «Mach lac mel jiñi muʼ bʌ i jisan ñʌchʼtʌlel» (i xujtʼil). 1. Emily yicʼot Celia buchulob ti tʼan ti jumpʼejl cafetería. Celia woliʼ qʼuel tiʼ teléfono tsaʼ bʌ i cʼʌjquesa Clara ti internet. 2. Clara wen michʼ woliʼ pejcan Celia yaʼ ti estacionamiento am bʌ tiʼ Yotlel tempa bʌ.

Qʼuelela jiñi VIDEO Mach lac mel jiñi muʼ bʌ i jisan ñʌchʼtʌlel (i xujtʼil). Cheʼ jiñi cʼajtin:

Come mach wocolic miʼ mejlel lac sʌt jiñi ñʌchʼtʌlel ti congregación, ¿chuqui mi laj cʌn ti jiñi video chaʼan bajcheʼ yom mi lac chaʼlen tʼan?

I jacʼbal

Chaʼan maʼ qʼuel bajcheʼ tsiʼ chaʼ tajayob ñʌchʼtʌlel, qʼuele jiñi video «Sʌclan ñʌchʼtʌlel [ . . . ] i tsajcan majlel».

8. Cʌntesʌntel chaʼan i tʼan Dios ti congregación

(30 min.) bt capítulo 25 párr. 14-21.