Ticʼojel tac muʼ bʌ i yʌcʼ tijicñʌyel
«Chʼijyem mi cubin cheʼ bʌ mij qʼuel mach tac bʌ weñic chuqui miʼ yujtel ti pañimil, cheʼ bajcheʼ jiñi guerra tac, pʼumpʼuñiyel, cʼamʌjel tac yicʼot cheʼ bʌ miʼ ticʼlʌntel jiñi xbiʼtalob. Pero wʌle an c pijtaya» (RANI).a
Rani tsiʼ taja jiñi i sujm bʌ tijicñʌyel cheʼ bʌ tsiʼ cʌñʌ chaʼan jiñi Dios mach bʌ añic i pʼisol i pʼʌtʌlel miʼ mejlel i yʌqʼueñonla jiñi wem bʌ ticʼojel. Cheʼ bʌ maʼ pejcan ili revista, qʼuele bajcheʼ miʼ mejlel i coltañonla lac taj ili muʼ bʌ caj laj qʼuel:
Chaʼan tijicña jiñi lac familia.
Chaʼan wen mi la cajñel la quicʼot yambʌlob.
Chaʼan tijicñayonla yicʼot chuqui an lac chaʼan.
Cheʼ bʌ mi lac ñaʼtan chucoch mi lac ñusan wocol yicʼot mi lac chʌmel.
Cheʼ bʌ mi lac pijtan jiñi muʼto bʌ i cajel.
Cheʼ mi lac wen cʌn jiñi tsaʼ bʌ i Meleyonla yicʼot mi lac lʌcʼtesan lac bʌ tiʼ tojlel.
Mi caj a cʌn jaʼel chaʼan jiñi tsaʼ bʌ i Meleyonla miʼ yʌqʼuen i taj i ñaʼtʌbal pejtelel jiñi muʼ bʌ i sʌclañob.
a An cʼabaʼʌl tac tsaʼ bʌ qʼuextʌyi.