¿Chuqui yom a mel jatet?

50 ¿A wom ba chumtʌl ti pejtelel ora yaʼ ti wen i tʼojol jax bʌ Paraíso?

Cheʼ jini ñumen cʌñʌ majlel chuqui mi yʌl Dios. Chaʼlen wersa chaʼan maʼ ñop a pejcan jini Biblia (Juan 17:3; Apocalipsis 1:3).

51 Ñumen cʌñʌ Jesús (Deuteronomio 18:18, 19; Juan 3:16; Hechos 3:19-23).

52 Chaʼlen wersa a mel cojach chuqui tac wen i chʼujbiben i tʼan Jehová (Romanos 6:17, 18, 22).

53 Yom cʼajal a chaʼan, Jehová mi yʌl chaʼan mach yomic mi lac chaʼlen tsʌnsa (Éxodo 20:13; 1 Juan 3:11, 12).

54 Mach yomic mi lac chilben chuqui añob i chaʼan yañoʼ bʌ (Éxodo 20:15; Efesios 4:28).

55 Mi juntiquilic winic mach yomic miʼ chumtʌl yicʼot juntiquil xʼixic chaʼan miʼ ñoltʌl yicʼot cheʼ maʼanic ñujpuñem yicʼot (Éxodo 20:14, 17; 1 Tesalonicenses 4:3).

56 ¿Cʼajal ba a chaʼan jaytiquil i yijñam tsiʼ yʌqʼue i taj Dios jini winic? ¿Bajcheʼ cʼamel ora yom mi chumtʌl juntiquil winic yicʼot i yijñam? (Génesis 2:22, 24; Mateo 19:5, 6; 1 Corintios 7:2, 10, 11.)

57 Yom cʼajal a chaʼan jaʼel, chaʼan cojach yom mi lac chʼujutesan Jehová (Mateo 4:10; 1 Corintios 8:6).

58 Jini dios melbil tac bʌ ti cʼʌbʌl yicʼot imágen tac maʼanic miʼ mejlel i coltañonla. ¿Chucoch? (1 Corintios 8:4.)

¿Wen ba cheʼ an lac chaʼan dios melbil tac bʌ ti cʼʌbʌl? (Deuteronomio 27:15; 1 Juan 5:21.)

59 ¿Chucoch mach wenic mi laj cʼʌn jini muʼ bʌ yʌqʼueñonla jini xwujtoʼ? (Deuteronomio 18:10-13; Apocalipsis 21:8.)

60 Jini jontoloʼ bʌ ángelob, o xibajob, tsaʼ sujtiyob tiʼ contra Dios. Miʼ cʼʌñoʼ jini muʼ bʌ poj i wʌn ñaʼtañob chuqui tac mi caj ti ujtel chaʼan miʼ lotin winicob xʼixicob (Hechos 16:16).

61 Yom mi lac pejcan Dios ti oración. I sujmlel jini oración jiñʌch cheʼ mi lac pejcan Dios, chaʼan mi lac suben la com lac melben i yeʼtel yicʼot chaʼan mi laj cʼajtiben i coltaya (Filipenses 4:6, 7).

62 Yom mi lac ñop Jesús yicʼot yom mi lac chʼujbiben i tʼan (Hebreos 5:9; Juan 3:16).

63 Yom cʼajal a chaʼan tsaʼ chʌmi chaʼan miʼ yʌqʼueñonla laj coltʌntel (Romanos 5:8).

64 Yom cʼajal a chaʼan Jesús jiñʌch Rey lac chaʼan mach bʌ anic miʼ mejlel laj qʼuel. Yomʌch mi lac jacʼben i tʼan (Filipenses 2:9-11; Apocalipsis 19:16).

65 Jesús tsiʼ yʌlʌ chaʼan maʼ suben yanoʼ bʌ jini wen tac bʌ woli bʌ a ñop cheʼ jaʼel tsiʼ yʌlʌ chaʼan majqui jach yom i melben i yeʼtel Dios yom miʼ chaʼlen chʼʌmjaʼ (Mateo 28:19, 20; Juan 4:7-15).

66 Jini chaʼan muqʼuix i mejlel a suben a wamigojob ti pejtelel ili wen tac bʌ tʼan (Mateo 10:32).

67 Mi tsaʼ wen cʌñʌ a pejcan jun, jatet ñumen cabʌl to chuqui tac mi caj a cʌn, cheʼ jini mi caj i mejlel a wen coltan yañoʼ bʌ (2 Timoteo 2:15).

68 Jesús tsiʼ cʌntesa alobob jaʼel chaʼan miʼ chʼujbibeñob i tʼan Dios. Maʼanic baʼ ora tsiʼ yʌlʌ chaʼan maʼanix miʼ tajben i yorajlel chaʼan miʼ chaʼlen tʼan yicʼotob (Mateo 19:13-15).

69 Jini tatʌlob yom miʼ chʌn cʌntesañob i yalobilob chaʼan miʼ chʼujbibeñob i tʼan Dios yicʼot chaʼan miʼ cʼuxbiñob (Deuteronomio 6:6, 7; Proverbios 6:20-22; Efesios 6:4).

70 An cabʌl ñopbalʌl. Cabʌl i cʌntesajob mach bʌ anic mi lac taj ti Biblia. Jehová miʼ subeñonla chaʼan mi lac loqʼuel yaʼ ti ñopbalʌl tac mach bʌ anic miʼ chaʼleñob isujm bʌ cʌntesa (Apocalipsis 18:4; Juan 4:23, 24).

71 Jehová an i chaʼan ila ti Pañimil winicob xʼixicob muʼ bʌ mejlel i ñumen cʌntesañetob tiʼ cʌñol Dios. ¿Awujil ba majquiyob? (Hechos 15:14; Romanos 10:14, 15.)

72 Jiñobʌch i testigojob Jehová. Añobʌch i ñʌchʼtilel yicʼotoʼ i bʌ. ¿Awujil ba chucoch? Come junlajal miʼ cʼuxbiñob i bʌ (Isaías 43:10-12; Juan 13:34, 35).

73 Cheʼ jaʼel tsaʼix i chaʼleyob chʼʌmjaʼ come miʼ cʼuxbiñob Jehová. Cheʼʌch miʼ jamʌl pʌsob chaʼan tsaʼix i cʌyʌyob leco bʌ i melbalob i yom i melbeñob i yeʼtel Dios cheʼ cuxulob to (Hechos 2:41).

74 Jini i testigojob Jehová añobʌch i pijtaya chaʼan mi chumtʌlob yaʼ ti tʼojol jax bʌ tsijiʼ Paraíso (Salmo 37:9-11, 29).

¿Chuqui yom maʼ mel jatet chaʼan maʼ chumtʌl yaʼi yicʼotob? (Santiago 1:22, 25; 2:20-26.)

75 Ñopo a melben i yeʼtel Jehová yicʼotob. Jini testigojob miʼ cʼuxbiñob yicʼot miʼ chʼujbibeñob i tʼan Jehová yicʼot jaʼel Cristo Jesús. ¿Muʼ ba a cʼuxbiñob jatet jini Jehová yicʼot Jesús? ¿A wom ba a coltan yañoʼ bʌ chaʼan miʼ cʌñob Dios? (Juan 6:45-47.)

76 Jehová yicʼot Cristo Jesús miʼ cʼuxbiñetob yicʼot yomob chaʼan maʼ wajñel ti pejtelel ora ti Paraíso (Juan 3:16).

Jini tsaʼix bʌ a cʌñʌ cheʼ tsaʼ qʼuele jini dibujo tac yicʼot jini tsʼijbubil bʌ ila ti jun, tsaʼix i yʌqʼueyet a mulan chumtʌl ti tijicña ti pejtelel ora ti Pañimil. Mi a wom to a ñumen cʌn majlel, pejcan juntiquil i testigo Jehová yaʼ ti a lumal. Mi mejlel a tsʼijban jun o mi mejlel a wʌqʼuen i tsʼijban yambʌ, i maʼ choc majlel yaʼ baqui añob i testigojob Jehová. Ila ti jun yaʼ ti página dos miʼ pʌs baʼ yom maʼ choc majlel jini a jun.