Cʌntesʌntel 16

Cheʼ muqʼuix a ñaʼtan a melben i yeʼtel Dios

¿Chuqui yom maʼ mel chaʼan maʼ sujtel tiʼ yamigo Dios? (1, 2)

¿Bajcheʼ yom maʼ wʌqʼuen a bʌ Dios? (1)

¿Jala yom maʼ chʼʌmjaʼ? (2)

¿Bajcheʼ mi mejlel a taj a pʼʌtʌlel chaʼan xucʼul maʼ wajñel ti Dios? (3)

1. Chaʼan maʼ sujtel ti yamigo Dios, yom maʼ wen taj a ñaʼtʌbal i sujmlel bʌ am bʌ ti Biblia (1 Timoteo 2:3, 4), maʼ ñop ti isujm jini tsaʼix bʌ a cʌñʌ (Hebreos 11:6), yom maʼ cʌy a mul (Hechos 17:30, 31) sutqʼuin a bʌ ti Jehová i mach chʌn cheʼix maʼ wajñel bajcheʼ ti ñaxan (Hechos 3:19). Cheʼ jini, a cʼuxbiya ti Dios yom miʼ ñijcan a pusicʼal chaʼan maʼ wʌqʼuen a bʌ. Yom i yʌl chaʼan tiʼ a bajñelil jach, maʼ mel jumpʼejl oración chaʼan maʼ suben Dios a womix a melben i yeʼtel (Mateo 16:24; 22:37).

2. Cheʼ tsaʼix ujti a chajpan jini i Tʼan Dios, yicʼot tsaʼix cʼoti a ñaʼtan chaʼan maʼ wʌqʼuen a bʌ, cheʼ jini muqʼuix a mejlel ti chʼʌmjaʼ (Mateo 28:19, 20). Jini chʼʌmjaʼ miʼ pʌs tiʼ wut yonlelob chaʼan jatet tsaʼix a wʌqʼue a bʌ Jehová. Jini chaʼan cojach miʼ chʼʌmob jaʼ jini añobix bʌ i jabilel i muqʼuix bʌ i bajñel ñaʼtan chaʼan miʼ melben i yeʼtel Dios. Cheʼ juntiquil miʼ chʼʌmjaʼ, pejtelel i bʌcʼtal yom miʼ jumucʼ ajñel tiʼ malil jaʼ a(Marcos 1:9, 10; Hechos 8:36).

3. Cheʼ tsaʼix a wʌqʼue a bʌ Jehová Dios, miʼ pijtan chaʼan maʼ wajñel bajcheʼ tsaʼ wʌlʌ (Salmo 50:14; Eclesiastés 5:4, 5). Jini Diablo mi caj i ñop i mel chaʼan maʼ cʌy a melben i yeʼtel Jehová (1 Pedro 5:8). Pero lʌcʼtesan a bʌ ti Dios yicʼot oración (Filipenses 4:6, 7). Pejcʌben i Tʼan ti pejtelel qʼuin (Salmo 1:1-3). Chʌn ajñen ti muchʼul yicʼot jini congregación (Hebreos 13:17). Mi mucʼʌch a mel ti pejtelel iliyi, mi caj a taj a pʼʌtʌlel chaʼan xucʼul maʼ wajñel tiʼ tojlel Dios. Mi caj i mejlel a mel chuqui miʼ cʼajtin Dios ti a tojlel ti pejtelel ora.

[Notas]