¿Muʼ ba caj laj cʌy lac ñusan wocol baʼ ora?

MUʼ BɅ I YɅL JIÑI BIBLIA

«Dios [...] mi caj i sujcubeñob i yaʼlel i wut, maʼañix miʼ cajel chʌmel, mi muqʼuicto i cajel chʼijyemlel, uqʼuel yicʼot cʼuxyajiyel» (Apocalipsis 21:​3, 4, Traducción del Nuevo Mundo Mateo-Apocalipsis).

¿BAJCHEʼ MIʼ COLTAÑONLA ILIYI?

Miʼ pʌsbeñonla chaʼan mach jiñic Dios miʼ yʌqʼueñonla jiñi wocol tac (Santiago 1:​13).

Miʼ ñuqʼuesan lac pusicʼal cheʼ mi laj cʌn chaʼan Dios cʼux miʼ yubin cheʼ mi lac ñusan wocol (Zacarías 2:8).

Miʼ yʌqʼueñonla lac pijtaya chaʼan ti talto bʌ qʼuin maʼañix chuqui mi caj i yʌqʼueñonla wocol (Salmo 37:9-11).

¿AM BA CHUCOCH MI LAC ÑOP MUʼ BɅ I YɅL JIÑI BIBLIA?

Añʌch, laʼ laj qʼuel chaʼchajp:

• Dios miʼ tsʼaʼlen jiñi wocol yicʼot ticʼlʌntel. ¿Bajcheʼ yubil tsiʼ yubi Jehová cheʼ bʌ tsaʼ ticʼlʌnti jiñi i tejclum ti wajali? Jiñi Biblia miʼ yʌl chaʼan cʼux tsiʼ yubi cheʼ bʌ tsiʼ qʼuele chaʼan woliʼ ticʼlʌntelob (Jueces 2:​18).

  Dios tsʼaʼ miʼ qʼuel jiñi muʼ bʌ i ticʼlañob yañoʼ bʌ. Jumpʼejl ejemplo, jiñi Biblia miʼ yʌl chaʼan Dios miʼ tsʼaʼlen «jini muʼ bʌ i tsʌnsan jini toj bʌ» (Proverbios 6:​16, 17).

• Dios i wentajoñʌchla ti jujuntiquilonla. Anquese maʼ ñaʼtan chaʼan jatet jach a cʌñʌ jiñi a wocol, tiʼ sujm Jehová mucʼʌch i cʌn jaʼel (2 Crónicas 6:​29, 30).

  Tsʼitaʼ jax yom chaʼan Dios miʼ cʼʌn jiñi i Yumʌntel chaʼan miʼ jisan jiñi lac wocol tac (Mateo 6:​9, 10). Pero wʌle mucʼʌch i ñuqʼuesʌben i pusicʼal jiñi muʼ bʌ i sʌclañob tiʼ pejtelel i pusicʼal (Hechos 17:​27; 2 Corintios 1:​3, 4).