CɅNTESɅNTEL 18

Alʌ chuqui tac miʼ mejlel i cʼʌñob

1 Corintios 9:19-23

YOM BɅ MIʼ CɅJÑEL: Acʼʌyob ti pensar jiñi woli bʌ i ñʌchʼtañetob, laʼ i yubiñob chaʼan añʌch chuqui ñuc bʌ i cʼʌjñibal tsiʼ cʌñʌyob.

Ñaʼtan chuqui yujilobix. Mach jiñic yom maʼ chʌn subeñob chuqui yujilobix bʌ, coltañob i qʼuel chuqui yambʌ miʼ mejlel i cʌñob ti jiñi temaj.

Pam tsictesan chuqui i cʌñʌyobix bʌ, pero ñumen aqʼuen i yorajlel jiñi tsijiʼ bʌ mi caj a pʌs.
Wen sʌclan yicʼot wen ñaʼtan. Cheʼ mucʼʌch i mejlel, alʌ chuqui maxto bʌ wen cʌmbilic o chuqui tsaʼ jaxto bʌ ujti chaʼan maʼ tsictesan jiñi ñuc bʌ i cʼʌjñibal. Wen chajpan jiñi yicʼot ñaʼtan bajcheʼ miʼ taj i bʌ yicʼot jiñi muʼ bʌ caj a wʌl.

Cheʼ bʌ woli a chajpan muʼ bʌ caj a cʼʌn, melben a bʌ ili cʼajtiya tac: ¿Chuqui?, ¿chucoch?, ¿jalix?, ¿baqui?, ¿majqui? yicʼot ¿bajcheʼ? Mele yicʼot jacʼʌ ili cʼajtiya tac yaʼ ti a discurso chaʼan maʼ weñʼesan jiñi a cʌntesa.
Pʌsʌ bajcheʼ miʼ cʼʌjñibʌyel woli bʌ a wʌl. Tsictesan bajcheʼ miʼ mejlel i coltañob tiʼ cuxtʌlel jiñi texto tac. Alʌ chuqui tac miʼ yujtel, melbalʌl tac o chuqui tac miʼ melob i cʌñʌyoʼ bʌ jiñi woli bʌ i ñʌchʼtañetob.