¿Bajcheʼ yom maʼ cʼʌn ti acʼ estudio jiñi libro Ubin a tijicñʌyel?

Cheʼ bʌ muʼto caj a majlel a wʌcʼ jiñi estudio

1. 

   1. Wen chajpan a bʌ. Ñaʼtan chuqui i cʼʌjñibal i chaʼan, chuqui woliʼ ñusan yicʼot chuqui miʼ ñop jiñi a estudiante. ¿Am ba chuqui wocol bʌ miʼ yubin chaʼan miʼ chʼʌmben i sujm o chaʼan miʼ mel? Qʼuele jiñi tema yicʼot video tac muʼ bʌ i tilel ti jiñi sección «Cʌñʌ yan tac bʌ» i wen ñaʼtan bajcheʼ miʼ mejlel i coltan jiñi a estudiante. Cheʼ bajcheʼ jiñi mi caj i mejlel a cʼʌn cheʼ bʌ woli a wʌcʼ jiñi estudio miʼ cʼʌjñibalʌch maʼ qʼuel.

Cheʼ bʌ woli a wʌcʼ jiñi estudio

1. 2. Mi weñʌch miʼ qʼuel jiñi a estudiante mele jumpʼejl oración cheʼ bʌ maʼ tech jiñi estudio yicʼot cheʼ bʌ maʼ wujtel.

2. 

   3. Mach a wen chaʼlen tʼan. Qʼuele jach muʼ bʌ i yʌl jiñi lección i acʼʌ ti tʼan jiñi estudiante.

3. 4. Cheʼ bʌ maʼ tech jujumpʼejl sección, pejcan baqui miʼ yʌl «Ñuc bʌ i cʼʌjñibal» i alʌ jiñi título tac ti jujumpʼejl cʌntesʌntel.

4. 5. Cheʼ bʌ miʼ yujtel jumpʼejl sección, mele jiñi repaso chaʼan jiñi a estudiante miʼ cʼajtesan chuqui tsiʼ cʌñʌ.

5. 6. Cheʼ bʌ mi laʼ qʼuel jumpʼejl cʌntesʌntel:

   1. Comol pejcanla jiñi párrafo tac.

   2. Pejcanla pejtelel jiñi texto muʼ bʌ i yʌl «Pejcanla».

   3. Miʼ cʼʌjñibal maʼ qʼuel pejcan yambʌ texto tac.

   4. 

      Qʼuelela tiʼ pejtelel jiñi video muʼ bʌ yʌl «Qʼuelela» (cheʼ bʌ mucʼʌch i mejlel).

   5. Mele tiʼ pejtelel jiñi cʼajtiya tac.

   6. Comol tsajinla jiñi dibujo tac muʼ bʌ i tilel ti jiñi sección «Laʼ lac ñumen ñaʼtan».

   7. Cʼʌñʌ jiñi recuadro «Mele iliyi» chaʼan maʼ coltan i qʼuel jiñi a estudiante bajcheʼ yilal woliʼ majlel. Suben chaʼan miʼ yʌqʼuen i bʌ meta tac, tajol yaʼ bʌ an ti recuadro o yan tac bʌ.

   8. Cʼajtiben mi tsiʼ mulaj jumpʼejl tema o video am bʌ ti jiñi sección «Cʌñʌ yan tac bʌ» cheʼ bʌ woliʼ chajpan i bʌ chaʼan jiñi estudio.

   9. Ñopo laʼ wujtesan jumpʼejl lección jajayajl mi laʼ chaʼlen estudio.

Cheʼ bʌ tsaʼix a wʌcʼʌ jiñi estudio

1. 

   7. Bej ñaʼtan chuqui miʼ mejlel a mel tiʼ tojlel jiñi a estudiante. Cʼajtiben Jehová chaʼan miʼ yʌqʼuen i bendición come woliʼ chaʼlen wersa i cʼajtiben chaʼan miʼ yʌqʼueñet a ñaʼtʌbal chaʼan maʼ ñaʼtan bajcheʼ miʼ mejlel a coltan.