CʼAJTIYA TAC CHAʼAN BɅ JIÑI BIBLIA
¿Muʼ baʼ caj i chaʼ cuxtʌyel jiñi chʌmeñobix bʌ?
Jiñi tsaʼ bʌ i Meleyonla mi caj i chaʼ aqʼueñonla laj cuxtʌlel
Jehová jiñʌch muʼ bʌ i yʌqʼueñonla laj cuxtʌlel (Salmo 36:9). Jin chaʼan, Dios mi caj i chaʼ aqʼuen i cuxtʌlel jiñi chʌmeñoʼ bʌ. Jiñi Biblia miʼ yʌl chaʼan cheʼʌch mi caj i mel ti talto bʌ qʼuin. (Pejcan Hechos 24:15.) ¿Chucoch yom i chaʼ tejchesan Dios jiñi chʌmeñoʼ bʌ?
Jiñi tsaʼ bʌ i Meleyonla tsiʼ ñaʼta chaʼan mi lac chumtʌl tiʼ pejtelel ora (Génesis 1:31; 2:15-17). I maʼañic qʼuextʌyem i ñaʼtʌbal. Cʼux miʼ yubin cheʼ maʼañic jaypʼejl jab mi lac chumtʌl ili ora yicʼot cheʼ an cabʌl wocol. (Pejcan Job 14:1, 14, 15.)
¿Baqui mi caj i chumtʌl muʼ bʌ caj i chaʼ tejchelob?
¿Chaʼan ba miʼ chumtʌl ti panchan tsaʼ mejli jiñi wiñic? Maʼañic. Dios tsiʼ mele ángelob chaʼan jin miʼ chumtʌlob yaʼi, i joñonla, chaʼan mi lac chumtʌl wʌʼ ti Pañimil (Génesis 1:28; Job 38:4, 7). Ñaʼtancu iliyi, ¿baqui tsaʼ ajñi jiñi tsaʼ bʌ chaʼ tejchisʌntiyob ti Jesús? Wʌʼʌch ti Pañimil. Cheʼʌch mi caj i yujtel ti talto bʌ qʼuin cheʼ bʌ miʼ chaʼ chʼojyel cabʌl quixtañu chaʼan miʼ chumtʌlob wʌʼ ti Pañimil. (Pejcan Juan 5:28, 29 yicʼot 11:44.)
Pero Dios yajcʌbil i chaʼan alʌ junmojt wiñicob xʼixicob chaʼan miʼ chaʼ chʼojyelob ti panchan, ti espíritujix bʌ mi caj i yajñelob (Lucas 12:32; 1 Corintios 15:49, 50). Ili junmojt temel mi caj i chaʼleñob yumʌntel yicʼot Jesucristo wʌʼ ti Pañimil. (Pejcan Apocalipsis [Revelación] 5:9, 10.)