¿Chuqui ti majtañʌl miʼ mejlel la cʌqʼuen Jehová?

TI JUMPʼEJL bʌ qʼuin, Jesús tsiʼ yʌlʌ: «Ñumen tijicña jini muʼ bʌ i yʌcʼ majtañʌl bajcheʼ jini muʼ bʌ i chʼʌm i majtan» (Hch. 20:35). Iliyi mucʼʌch i tsʼʌctiyel ti bajcheʼ añonla la quicʼot Jehová. ¿Chucoch? Jehová cabʌl chuqui an i yʌqʼueyonla chaʼan tijicñayonla, pero mi caj lac ñumen taj lac tijicñʌyel cheʼ joñonla mi la cʌqʼuen jumpʼejl majtañʌl. ¿Chuqui miʼ mejlel la cʌqʼuen? Proverbios 3:9 miʼ yʌl: «Chʼujutesan lac Yum. Tʼoxben a chubʌʼan». Ti jiñi lac «chubʌʼan» yaʼ ochem jiñi i yorajlel am bʌ lac chaʼan, chuqui la cujil bʌ, lac pʼʌtʌlel yicʼot lac am bʌ lac chaʼan bajcheʼ taqʼuin. Cheʼ mi laj cʼʌn pejtelel am bʌ lac chaʼan chaʼan mi laj coltan jiñi i sujm bʌ chʼujutesaya, woli la cʌqʼuen i majtan Jehová, i jiñʌch muʼ bʌ i yʌqʼueñonla lac tijicñʌyel.

¿Chuqui mi caj i coltañonla chaʼan maʼañic miʼ ñajʌyel laj cʌqʼuen Jehová jiñi lac chubʌʼan? Jiñi apóstol Pablo tiʼ sube jiñi añoʼ bʌ ti Corinto chaʼan miʼ tsʼitaʼ lotob i taqʼuin chaʼan miʼ yʌcʼob (1 Co. 16:2). Mi a wom a ñumen cʌn bajcheʼ tac miʼ mejlel a wʌcʼ taqʼuin yaʼ baqui chumulet, qʼuele jiñi recuadro am bʌ tiʼ yebal.

An país tac baqui maʼañic maʼ mejlel a choc majlel taqʼuin ti Internet. Pero yaʼ ti página donate.jw.org miʼ mejlel a taj chuqui tac miʼ mejlel a mel. An país tac baqui ti ili página miʼ chʼʌm tilel jumpʼejl jun baqui miʼ jajqʼuel cʼajtiya tac muʼ bʌ i mejlel chaʼan miʼ yʌjqʼuel taqʼuin.