Bajcheʼ tac miʼ mejlel lac sub

® 1 i chaʼan febrero

«Ti ili qʼuin woli lon j cʌqʼuen ili tratado tiʼ pejtelelob jiñi wʌʼ bʌ chumulob ilayi. Mi yʌl chucoch wen ñuc i cʼʌjñibal jiñi Biblia. Ili a chaʼan. [Cʌyben jiñi i yum otot jiñi tratado ¿Chuqui jiñi Biblia chaʼan jatet?] An muʼ bʌ i cʼajtibeñob i bʌ mi mucʼʌch i chʼʌm tilel ticʼojel tac jiñi Biblia am bʌ i cʼʌjñibal chaʼan miʼ coltañonla ti la queʼtel. Cheʼ jaʼel, mi lac mulan lac taj muʼ bʌ i yʌl jiñi Biblia ti ili versículo. [Pejcan Eclesiastés 3:13.] Ili revista miʼ pʌs lamital principio tac loqʼuem bʌ ti Biblia muʼ bʌ i mejlel i coltañonla chaʼan tijicña mi la cajñel ti lac queʼtel. ¿A wom ba a pejcan ili revista?»

Febrero

«Woli lon c julaʼtan jiñi lon c piʼʌlob ti chumtʌl chaʼan mi lon c pʌsbeñob jiñi tsijiʼ bʌ ¡Despertad! ti ili uw. Miʼ yʌqʼuen i jacʼbal jumpʼejl cʼajtiya wen ñuc bʌ i cʼʌjñibal. [Pʌsben i yum otot i pat jiñi revista.] Mic mulan ñaʼtan chuqui maʼ wʌl jatet chaʼan ili ticʼojel muʼ bʌ i yʌl jiñi Biblia. [Pejcan Proverbios 29:11.] ¿Muʼ baʼ ñop chaʼan mucʼʌch mejlel i coltañonla muʼ bʌ i yʌl jiñi Biblia? [Pijtan chaʼan miʼ jacʼ] Ti ili revista mi yʌl chʌmpʼejl principio loqʼuem ti Biblia yicʼot miʼ tsictesan jiñi wenlel tac muʼ bʌ lac taj mi mucʼʌch lac jacʼ».

C libro muʼ bʌ yʌl cʌntesʌntel am bʌ ti Biblia

Mi caj a tech tʼan yicʼot ili cʼajtiya: «¿Muʼ baʼ ñop chaʼan ili Pañimil mi caj i jisʌntel yicʼot jumpʼejl wen ñuc bʌ guerra o ti jumpʼejl wen ñuc bʌ jisʌntel? ¿O muʼ ba caj i jilelob jiñi wiñicob xʼixicob (quixtañujob) ti jumpʼejl cʼamʌjel muʼ bʌ i pam pujquel cheʼ bajcheʼ jiñi ébola? Cabʌl cheʼʌch miʼ ñaʼtañob bajcheʼ jiñi... Ixcu jatet ¿muʼ baʼ ñop jiñi? [Pijtan chaʼan miʼ chaʼlen tʼan jiñi quixtañu, cheʼ jiñi cʼʌñʌ jiñi Biblia chaʼan maʼ jacʼ.] Qʼuele bajcheʼ jiñi Biblia miʼ wen subeñonla chaʼan maʼañic mi caj i jisʌntel jiñi Pañimil yicʼot chaʼan maʼañic baqui ora mi caj i yajñel bajcheʼ i tiquiñal lum. [Pejcan Eclesiastés 1:4, yaʼ baqui mi yʌl chaʼan jiñi lum mi caj i yajñel tiʼ pejtelel ora. Cheʼ jaʼel, pejcan Salmo 37:29 yaʼ baqui mi yʌl chaʼan jiñi tojob mi caj i chumtʌlob ti pejtelel ora wʌʼ ti Pañimil. Cheʼ jiñi aqʼuen jiñi libro Cʌntesʌntel am bʌ ti Biblia, i pʌsben jiñi quixtañu yaʼ ti cʌntesʌntel 115]».