Bajcheʼ tac miʼ mejlel lac sub

I subol i Cʼajtesʌntel i chʌmel Jesús

«¿Bajcheʼ a wilal? Com c pʌyet ti jumpʼejl ñuc bʌ tempa bʌ. Ti 3 i chaʼan abril, cabʌl mi caj i tempañob i bʌ tiʼ petol pañimil chaʼan miʼ cʼajtesañob i chʌmel Jesús yicʼot chaʼan miʼ ñʌchʼtañob jumpʼejl discurso loqʼuem bʌ ti Biblia mach bʌ tojbilic. Mi caj i tsictesʌntel bajcheʼ miʼ mejlel i coltañonla i chʌmel Jesús. Ili jun mi yʌl bajcheʼ ora yicʼot baqui miʼ cajel.»

La Atalaya 1 i chaʼan marzo

«Ti 3 i chaʼan abril mi caj lon c mel tempan bʌ chaʼan i cʼajtesʌntel i chʌmel Jesús. An muʼ bʌ i ñaʼtañob chaʼan mach ñuquic i cʼʌjñibal i chʌmel Jesús. ¿Cheʼ baʼ maʼ ñaʼtan jatet bajcheʼ jiñi? ¿Muʼ ba ñop chaʼan miʼ mejlel i coltañonla i chʌmel yicʼot i chʼojyel? [Pijtan chaʼan miʼ jacʼ.] Laʼ laj qʼuel chuqui mi yʌl jiñi Biblia. [Pejcan 1 Corintios 15:22, 26.] Ili revista mi yʌl chaʼan wocolix i yʌlʌ cheʼ tsiʼ yʌcʼʌ i cuxtʌlel Jesús come ti talto bʌ qʼuin maʼañix majqui miʼ cajel ti chʌmel.»

C libro muʼ bʌ yʌl cʌntesʌntel am bʌ ti Biblia

«¿Bajcheʼ a wilal? Tsaʼ tili c julaʼtañet chaʼan mic subeñet jiñi wen tʼan tac. ¿Am baʼ cʼajtibe a bʌ mi tijicña mi laj cajel ti chumtʌl ti talto bʌ qʼuin? [Pijtan chaʼan miʼ jacʼ. Jamʌ jiñi libro yaʼ ti cʌntesʌntel 115 chaʼan maʼ pʌs jiñi dibujo. Pejcan jiñi párrafo 2.] Miʼ mejlel la cʌl chaʼan miʼ caj ti tsʼʌctiyel iliyi come Dios albil i chaʼan. [Pejcan 2 Pedro 3:13.] Ili libro tsaʼ mejli chaʼan miʼ coltañonla lac ñaʼtan chaʼan Dios miʼ cʼuxbiñonla yicʼot miʼ qʼuelonla ti ñuc. [Aqʼuen jiñi libro.]»