Laʼ laj cʼʌn jiñi folleto Introducción a la Palabra de Dios chaʼan mi lac tech tʼan
1. ¿Chuqui ti tsijiʼ bʌ folleto mi caj i coltañonla ti subtʼan?
1 Maxto wajali tsaʼ lac chʼʌmʌ jiñi folleto Introducción a la Palabra de Dios. Yaʼi mi lac taj texto chaʼan temaj tac am bʌ ti Biblia, lajal bajcheʼ jiñi Razonamiento, i cʼʌjñibal chaʼan mi lac tech tʼan. ¿Bajcheʼ miʼ mejlel laj cʼʌn cheʼ mi lac chajpan lac bʌ chaʼan subtʼan?
2. ¿Bajcheʼ miʼ mejlel laj cʼʌn jiñi folleto Introducción a la Palabra de Dios?
2 Miʼ mejlel a cʼʌn jiñi cʼajtiya 8 i miʼ mejlel a wʌl: «An lon j chaʼle tʼan yicʼot a piʼʌlob ti chumtʌl i mi lon j qʼuel chaʼan cabʌl miʼ cʼajtibeñob i bʌ miʼ mulʌch Dios cheʼ mi la quilan wocol. [Ti lamital territorio ñumen wen cheʼ yaʼ ti folleto mi lac pʌs jiñi cʼajtiya.] ¿Cheʼ ba maʼ ñaʼtan jatet? [Pijtan chaʼan miʼ jacʼ.] Jiñi Biblia mi yʌl i jacʼbal». Ti wiʼil miʼ mejlel a pejcan yicʼot a wʌl jiñi texto tac yaʼ bʌ an yaʼi. Mi mucʼʌch i mulan jiñi woli bʌ a suben, pʌsben jiñi 20 cʼajtiya am bʌ tiʼ yopol 1 i suben chaʼan miʼ mejlel a tsictesʌben i jacʼbal jumpʼejl cʼajtiya ti yambʌ ora. Miʼ mejlel a wʌqʼuen jaʼel jiñi jun tac muʼ bʌ laj cʼʌn ti pʌs estudio i suben chaʼan yaʼi miʼ ñumen tsictesʌbentel jiñi tsaʼ bʌ ujti laʼ qʼuel.
3. ¿Bajcheʼ miʼ mejlel laj cʼʌn jiñi tsijib folleto chaʼan mi lac tech tʼan yaʼ baʼ mucʼʌch i ñopob Dios pero baʼ maʼañic miʼ ñopob jiñi Biblia?
3 Jiñi cʼajtiya 4, 13 cʼʌlʌl ti 17 miʼ mejlel laj cʼʌn yaʼ baʼ mucʼʌch i ñopob Dios pero baʼ maʼañic miʼ ñopob jiñi Biblia. Miʼ mejlel a cʼʌn jiñi cʼajtiya 17 chaʼan maʼ wʌl: «Woli lon c julaʼtan jiñi familia tac chaʼan mi lon j coltan. Mi lon j qʼuel chaʼan miʼ tajob wocol tac. ¿Cheʼ ba maʼ wʌl jatet? [Pijtan chaʼan miʼ jacʼ.] Cabʌl xñujpuñelob miʼ ñop i jacʼob ili tʼan: ‹Jiñi xʼixic yom miʼ qʼuel ti ñuc i ñoxiʼal›. [Mach wersajic maʼ wʌl chaʼan loqʼuem ti Efesios 5:33 jiñi tʼan tac. Mi woliyet ti tʼan a wicʼot juntiquil xʼixic, miʼ mejlel a wʌl jiñi tʼan am bʌ ti Efesios 5:28.] ¿Ñuc ba i cʼʌjñibal maʼ wʌl cheʼ mi jacʼob ili ticʼojel jiñi xñujpuñelob?».
4. ¿Chuqui miʼ mejlel a mel cheʼ maʼ wujtel ti tʼan a wicʼot jiñi mucʼʌch bʌ i ñop Dios pero maʼañic bʌ miʼ ñop jiñi Biblia?
4 Cheʼ mi laʼ wujtel ti tʼan, suben chaʼan mi caj a chaʼ julaʼtan chaʼan mi laʼ bej al jiñi temaj. Cheʼ maʼ chaʼ julaʼtan, miʼ mejlel a tsajin yambʌ texto chaʼan jiñi cʼajtiya tsaʼ bʌ laʼ qʼuele. Ti wiʼil, tsictesʌben chaʼan loqʼuemʌch ti Biblia jiñi wen tac bʌ ticʼojel tsaʼ bʌ laʼ wʌlʌ. Ñaʼtan chuqui ti temaj tsiʼ laʼ wʌlʌ yicʼot bajcheʼ yilal miʼ qʼuel jiñi Biblia chaʼan maʼ cʌyben jumpʼejl jun muʼ bʌ mejlel i coltan. (Qʼuele jiñi La Queʼtel tiʼ chaʼan bʌ Dios i chaʼan diciembre, 2013, tiʼ yopol 3-6.)