Jun chaʼan bʌ a pʌyol
1. ¿Jala mi caj lac pʌy yambʌlob ti jiñi uxpʼejl bʌ qʼuin colem tempa bʌ?
1 Cheʼ muqʼuic lac chajpʌben la camigojob o lac piʼʌlob wen ñuc bʌ bʌlñʌcʼʌl baʼ mi laj cʼʌn lac wersa yicʼot lac taqʼuin, mi lac pʌyob yicʼot lac tijicñʌyel. Lajal jaʼel, tsaʼ chaʼlenti wersa chaʼan miʼ chajpʌntel bʌlñʌcʼʌl tiʼ chaʼan bʌ Dios chaʼan jiñi uxpʼejl bʌ qʼuin colem tempa bʌ ti ili jabil. Cheʼ anto yom uxpʼejl semana miʼ cajel jiñi colem tempa bʌ, Jehová mi caj i cʼʌñonla chaʼan mi lac pʌy yambʌlob. ¿Chuqui mi caj i coltañonla chaʼan mi lac mel yicʼot lac tijicñʌyel?
2. ¿Chuqui mi caj i ñijcañonla chaʼan mi lac chaʼlen wersa ti ili ñuc bʌ subtʼan?
2 Mi mucʼʌch lac ñaʼtan bajcheʼ miʼ coltañonla jiñi bʌlñʌcʼʌl chajpʌbil bʌ i chaʼan Jehová, mi caj i ñijcañonla chaʼan mi lac chaʼlen wersa ti ili ñuc bʌ subtʼan (Is. 65:13, 14). Yom mi lac ñaʼtan jaʼel chaʼan ili ñuc bʌ subtʼan miʼ yʌcʼ wem bʌ i wut (qʼuele jiñi recuadro «Miʼ yʌcʼ i wut»). Tajol añʌch muʼ bʌ caj i majlelob jiñi muʼ bʌ lac pʌyob, pero tajol an maʼañic bʌ. Jiñʌch jaytiquil miʼ majlelob, cheʼ mi lac chaʼlen wersa ti ili ñuc bʌ subtʼan miʼ yʌqʼuen i ñuclel Jehová i mi caj i pʌs chaʼan mucʼʌch i yʌcʼ majtañʌl (Sal. 145:3, 7; Ap. 22:17).
3. ¿Bajcheʼ mi caj lac puc jiñi jun chaʼan bʌ lac pʌyol?
3 Jiñi ancianojob mi caj i ñaʼtañob bajcheʼ mi caj i ñumen pujquel jiñi lac pʌyol yicʼot mi mucʼʌch caj i cʌjyel yaʼ ti otot tac baʼ maʼañic majqui an o mi mucʼʌch caj i pujquel yaʼ ti subtʼan baʼ miʼ ñumel cabʌl quixtañujob tiʼ territorio jiñi congregación. Mi añʌch i yorajlel, tiʼ yujtibal semana mi caj i pujquel jiñi revista yicʼot jiñi jun chaʼan bʌ lac pʌyol. Cheʼ miʼ yujtel jiñi ñuc bʌ subtʼan, tijicña mi caj la cubin come tsaʼ lac chaʼle wersa lac pʌy jiñi quixtañujob chaʼan miʼ chʼʌmob jiñi bʌlñʌcʼʌl chajpʌbil bʌ i chaʼan Jehová.