Bajcheʼ tac miʼ mejlel lac sub

La Atalaya 1 i chaʼan mayo

«Tiʼ pejtelel jiñi wocol am bʌ ila ti pañimil, ¿baqui bʌ maʼ mulan chaʼan miʼ jisʌntel? [Pijtan chaʼan miʼ jacʼ.] Jiñi Biblia miʼ subeñonla chaʼan Dios mach jalix mi caj i jisan jiñi wocol yicʼot yan tac bʌ. [Yajcan i pejcʌben jumpʼejl texto muʼ bʌ i tsictesan jiñi, cheʼ bajcheʼ Daniel 2:44; Proverbios 2:21, 22; Mateo 7:21-23 o 2 Pedro 3:7.] Ili revista miʼ tsictesan bajcheʼ yicʼot jalaqui mi caj i chʼʌm tilel Dios jiñi utsʼat tac bʌ woli bʌ lac wen pijtan.»

C libro muʼ bʌ yʌl cʌntesʌntel am bʌ ti Biblia

«¿Bajcheʼ a wilal? Woli c julaʼtan lojon jiñi quixtañujob chaʼan mi lon j coltan i ñaʼtañob chucoch tsaʼ tsʼijbunti jiñi Biblia. ¿Am baʼ melbe a bʌ ili cʼajtiya? [Pijtan chaʼan miʼ jacʼ.] Junchajp chucoch tsaʼ tsʼijbunti jiñi Biblia, mach bʌ yujilobic jiñi quixtañujob, jiñʌch cheʼ an chuqui miʼ wʌn subeñonla. [Pejcan 1 Corintios 10:11.] I chaʼchajplel chucoch yaʼan ti 2 Timoteo 3:15, i miʼ coltañonla lac chʼʌmben isujm chaʼan i cʼʌjñibalʌch lac chaʼan ti lac pejtelel jiñi Biblia chaʼan mi lac taj laj coltʌntel. Laʼ to c pʌsbeñet ti ili libro jumpʼejl ejemplo chaʼan jiñi tijicña bʌ coltʌntel tsaʼ bʌ i wʌn alʌ Isaías, juntiquil xtsʼijbaya Biblia. [Jamʌ yaʼ ti cʌntesʌntel 71, i pejcan jiñi ñaxam bʌ yicʼot jiñi cojix bʌ párrafo. Cʌyben jiñi libro.]»