Chaʼtiquil hermanajob ti Indonesia woliʼ pʌsob jiñi folleto Ñichʼtan Dios.
¿Bajcheʼ miʼ mejlel la cʌcʼ ili jun tac?
LAC TSICTESɅBENTEL
Cʼajtiya: ¿Ñomach chaʼan ñumen wen ili pañimil cheʼ muqʼuic lac luʼ mel muʼ bʌ i yʌl ili texto?
Texto: He. 13:18
Jun: Jiñi Biblia miʼ subeñonla chaʼan yom mi lac mel chuqui utsʼat tiʼ pejtelel ora. Jiñi Lac Tsictesʌbentel miʼ taj ti tʼan ili temaj.
LAC TSICTESɅBENTEL
Cʼajtiya: Come cʌlʌxix an tsuculel ila ti pañimil, an muʼ bʌ i cʼajtibeñob i bʌ mi anto i cʼʌjñibal i melol chuqui utsʼat. ¿Cheʼ ba maʼ ñaʼtan jatet bajcheʼ ili?
Texto: Pr. 2:21, 22
Jun: Jiñi Lac Tsictesʌbentel miʼ yʌl chucoch i cʼʌjñibal cheʼ mi lac mel chuqui utsʼat.
ÑICHʼTAN DIOS
Cʼajtiya: ¿Muʼ baʼ mulan chaʼan jiñi pañimil miʼ sujtel bajcheʼ iliyi? [pʌsben i yopol 2 yicʼot 3, i pijtan chaʼan miʼ jacʼ].
Texto: Jer. 29:11
Jun: Ili folleto miʼ tsictesan chucoch ñuc i cʼʌjñibal cheʼ mi lac jacʼben i tʼan Dios, i cheʼ bajcheʼ jiñi mi caj mejlel lac taj jiñi chajpʌbil bʌ i chaʼan ti talto bʌ qʼuin [tsajin i yopol 4 yicʼot 5].
TS’IJBUN BAJCHEʼ MI CAJ A WɅL
Tsʼijbun bajcheʼ mi caj a wʌl yaʼ ti subtʼan cheʼ bajcheʼ an ti jiñi ejemplo tac.