Cheʼ maʼan mi lac sʌclan chubʌʼañʌl miʼ coltañonla lac ñuqʼuesan Dios

Ti ili ora, mach wocolic chaʼan mi la cotsan lac bʌ ti wocol. Mi lac jisan ora yicʼot lac pʼʌtʌlel tiʼ mʌñol, tiʼ tojol, tiʼ cʼʌñol, tiʼ qʼuelol yicʼot tiʼ cʌntʌntel am bʌ lac chaʼan. Jesús maʼan tiʼ sʌcla chubʌʼañʌl chaʼan maʼañic miʼ mʌctan ti subtʼan (Mt. 8:20).

Ixcu jatet, ¿am ba chuqui miʼ mejlel a cʌy a sʌclan chaʼan maʼ ñumen chaʼlen subtʼan? Tajol ti a familia an majqui miʼ mejlel i sujtel ti precursor mi mucʼʌch laʼ wen chajpan laʼ bʌ. Mi woliyix a chaʼlen subtʼan tiʼ pejtelel ora, ¿woli baʼ qʼuel chaʼan jiñi chubʌʼañʌl woliʼ yʌqʼueñet wocol? Mi maʼañic maʼ sʌclan chubʌʼañʌl, mi caj a wubin a tijicñʌyel tiʼ melol i yeʼtel Jehová (1 Ti. 6:7-9).

Tsʼijbun chuqui miʼ mejlel a cʌy a sʌclan