Ñumen weñʼesan a subtʼan Coltan chaʼan miʼ yʌcʼ i bʌ ti Dios i miʼ chʼʌmjaʼ

¿CHUCOCH ÑUC I CʼɅJÑIBAL? Jiñi muʼ bʌ i chʼʌmob estudio yom miʼ yʌcʼob i bʌ ti Dios i miʼ chʼʌmob jaʼ chaʼan miʼ chʼʌjmelob ti Jehová (1 P. 3:21). Miʼ cʌntʌntelob ti Dios jiñi muʼ bʌ i tsʼʌctesañob i tʼan (Sal. 91:1 [TNM], 2). Tsaʼ cʌcʼʌ lac bʌ ti Jehová, mach ti jumpʼejlic organización o troñel. Jiñi muʼ bʌ i chʼʌmob estudio yom miʼ cʼuxbiñob yicʼot i qʼuelob ti ñuc Jehová (Ro. 14:7, 8).

¿BAJCHEʼ YOM MIʼ MEJLEL?

• Cheʼ woliyetla ti estudio, tsajinla chuqui miʼ pʌs tiʼ tojlel Dios jiñi cʌntesʌntel. Suben chaʼan ñuc i cʼʌjñibal cheʼ miʼ pejcan jiñi Biblia ti jujumpʼejl qʼuin yicʼot cheʼ miʼ ‹chʌn chaʼlen oración› (1 Ts. 5:17; Stg. 4:8).

• Suben chaʼan miʼ chaʼlen wersa i yʌcʼ i bʌ ti Dios yicʼot i chaʼlen chʼʌmjaʼ. Coltan chaʼan miʼ yʌcʼ i comentario o chaʼan miʼ suben jiñi wen tʼan i piʼʌlob ti troñel o chumtʌl. Yom cʼajal a chaʼan, Jehová maʼañic miʼ xicʼonla lac melben i yeʼtel. Lac bajñel mi caj lac ñaʼtan mi mucʼʌch caj la cʌcʼ lac bʌ tiʼ tojlel (Dt. 30:19, 20).

• Coltan i cʌy jiñi woli bʌ i mʌctan chaʼan miʼ mejlel i tijicñesan Jehová yicʼot chaʼan miʼ chʼʌmjaʼ (Pr. 27:11). An melbalʌl yicʼot costumbre tac wocol bʌ ti cʌyol, jin chaʼan tajol yom maʼ bej coltan chaʼan miʼ qʼuextan i melbal (Ef. 4:22-24). Pʌsben jiñi muʼ bʌ i tilel yaʼ ti Lac Tsictesʌbentel baqui miʼ yʌl: «Jiñi Biblia tsiʼ qʼuextʌbeyob i pensar».

• Suben chaʼan tajbil a chaʼan tijicñʌyel tiʼ melol i yeʼtel Jehová (Is. 48:17, 18).