ÑUC TAC BɅ I CʼɅJÑIBAL TI BIBLIA | PROVERBIOS 1-6

«Ñopo lac Yum tiʼ pejtelel a pusicʼal»

Juntiquil wiñic muʼ bʌ i yʌjlel yaʼ ti Biblia miʼ mel oración

Jehová yom chaʼan mi lac ñop tiʼ pejtelel lac pusicʼal. Jiñi i sujmlel i cʼabaʼ miʼ ñumen pʼʌtʼesan lac ñopoñel yicʼot miʼ coltañonla chaʼan mi lac ñumen ñop jiñi albil bʌ i chaʼan. Jiñi oración i cʼʌjñibal chaʼan mi lac ñumen pʼʌtʼesan jiñi lac ñopoñel ti Dios. Jiñi capítulo 3 i chaʼan Proverbios miʼ yʌl chaʼan Jehová mi caj i tojʼesan lac bijlel mi mucʼʌch lac ñop tiʼ tojlel.

¿Chuqui miʼ mel jiñi wen am bʌ i ñaʼtʌbal miʼ yʌl i bʌ?

3:5-7

Maʼañic miʼ cʼajtiben i coltaya Jehová cheʼ bʌ an chuqui miʼ mel.
Cojach miʼ ñop yujil bʌ tiʼ bajñelil i muʼ bʌ i yʌl yañoʼ bʌ.

¿Chuqui miʼ mel jiñi muʼ bʌ i ñop ti Jehová?

Chaʼan miʼ ñumen lʌcʼtesan i bʌ ti Dios, miʼ pejcan jiñi Biblia, miʼ wen tsajin muʼ bʌ i yʌl yicʼot miʼ mel oración.
Miʼ pejcan jiñi principio tac chaʼan miʼ ñaʼtan bajcheʼ yilal miʼ qʼuel Jehová chaʼan jiñi woli bʌ i ñaʼtan i mel.

**¿CHUQUI MIC MEL MI AN CHUQUI WOLI C ÑAʼTAN MEL?**
ÑAXAN mic mel bajcheʼ mic ñaʼtan.	ÑAXAN mij cʼajtiben i coltaya Jehová yicʼot mic mel jiñi estudio tic bajñelil chaʼan miʼ pʌsbeñon jiñi bij.
TI WIʼIL mij cʼajtiben i coltaya Jehová chaʼan wen miʼ loqʼuel woli bʌ c ñaʼtan c mel.	TI WIʼIL mic mel muʼ bʌ i yʌl jiñi principio tac am bʌ ti Biblia.