I MELBAL JIÑI XÑOPTʼAN
C Yum, Jehová, mic ñop a tʼan
Ñuc i cʼʌjñibal cheʼ mi lac pʌs lac ñopoñel ti Dios cheʼ weñʌch añonla o cheʼ añonla ti wocol (Sal. 25:1, 2). Cheʼ ti jabil 800 cʼʌlʌl ti 701 cheʼ bʌ maxto tilemic Cristo, jiñi judíojob yaʼ bʌ añob ti Judá tsiʼ ñusayob tsʌts bʌ wocol baqui tsaʼ ñojpiyob i chʼujbiya ti Dios. Cabʌl chuqui miʼ cʌntesañonla jiñi tsaʼ bʌ ujti (Ro. 15:4). Cheʼ bʌ tsaʼix laʼ qʼuele jiñi video C Yum, Jehová, mic ñop a tʼan jacʼʌla ili cʼajtiya tac:
¿Baqui bʌ wocol tsiʼ ñusa Ezequías?
¿Bajcheʼ tsiʼ jacʼʌ Ezequías muʼ bʌ i yʌl Proverbios 22:3 cheʼ bʌ tsiʼ chajpa i bʌ chaʼan mi tsaʼ jojyiyob?
¿Chucoch maʼan tsiʼ yʌcʼʌ i bʌ Ezequías tiʼ cʼʌb asiriojob yicʼot maʼañic tsiʼ teme i tʼan yicʼot Egipto?
¿Chucoch jiñʌch wem bʌ ejemplo jiñi Ezequías chaʼan jiñi xñoptʼañob?
Ili ora, ¿baqui miʼ ñojpel jiñi lac chʼujbiya ti Dios?