Aqʼueñob i yubin i tijicñʌyel

¿Majqui mi caj la cʌqʼueñob i tijicñʌyel? Tiʼ pejtelel muʼ bʌ i cʼotelob ti tempa bʌ, mach yʌlʌyic mi tsijiʼob to o añix ora i cajelob ti cʼotel (Ro. 15:7; He. 13:2). Tajol miʼ cʼotel juntiquil hermano tilem bʌ ti yambʌ país o juntiquil inactivo woli bʌ i chaʼ cʼotel. ¿Bajcheʼ yubil maʼ wubin cheʼ jatetic? ¿Muʼ baʼ mulan cheʼ uts maʼ pejcʌntel? (Mt. 7:12). Jin chaʼan, weñʌch cheʼ mi lac pejcan yambʌlob cheʼ bʌ miʼ tejchel yicʼot cheʼ bʌ miʼ yujtel tempa bʌ tac. Ili miʼ yʌcʼ chaʼan wen an tijicñʌyel yaʼ tiʼ Yotlel Tempa bʌ (Mt. 5:16). Isujmʌch, tajol maʼañic miʼ mejlel lac pejcan tiʼ pejtelelob, pero mi mucʼʌch la cʌcʼ wersa, tijicña mi caj i yubiñob.a

Tiʼ pejtelel ora yom mi lac pʌs chaʼan wen mi laj qʼuel cheʼ an lac julaʼ, mach cojach tiʼ Cʼajtesʌntel i chʌmel Jesús. Cheʼ bʌ jiñi tsijiʼob to bʌ miʼ yubiñob jiñi isujm bʌ cʼuxbiya, miʼ mejlel i ñijcañob chaʼan miʼ yʌqʼueñob i ñuclel Dios yicʼot chaʼan miʼ yochelob tiʼ sujm bʌ chʼujutesaya (Jn. 13:35).