I MELBAL JIÑI XÑOPTʼAN
Laʼ lac pʌs wem bʌ lac melbal cheʼ mi lac chaʼlen subtʼan ti otot tac
Jiñi xñoptʼañonbʌla mi laj qʼuejlel ti wiñicob xʼixicob (1 Co. 4:9). Jin chaʼan, mach yomic toj sajtel lac pusicʼal cheʼ bʌ jiñi i yum otot miʼ qʼueloñobla tiʼ ventana o miʼ ñʌchʼtañoñobla tiʼ puerta anquese maʼañic miʼ jamob. An i tajol an i chaʼañob cámara chaʼan miʼ qʼueloñobla o micrófono chaʼan miʼ ñʌchʼtañob lac tʼan i miʼ chaʼleñob ti grabar. Laʼ lac chʼʌm ti ñuc ili ticʼojel tac chaʼan mi lac pʌs wem bʌ lac melbal cheʼ bʌ mi lac chaʼlen subtʼan (2 Co. 6:3).
TI LAC MELBAL (Fil. 1:27)
Laʼ laj qʼuel ti ñuc jiñi quixtañujob i mach lac yojchʼobeñob i yotot. Mach lac chaʼlen tʼan ti teléfono, mach lac choc majlel mensaje yicʼot mach laj cʼux o lac jap chuqui jach cheʼ bʌ yaʼ añonla tiʼ tiʼ otot tac.
TI MUʼ BɅ LA CɅL (Ef. 4:29)
Mi choncol lac pijtan chaʼan miʼ jamob i puerta jiñi quixtañujob mach la cʌl jiñi mach bʌ la comic miʼ yubiñob. An xsubtʼañob muʼ bʌ i cʌy i pejcañob i piʼʌl ti subtʼan chaʼan miʼ mejlel i ñaʼtañob chuqui mi caj i subeñob jiñi i yum otot.