Jesús tsiʼ cʼuxbi jiñi quixtañujob

Jiñi capítulo 8 yicʼot 9 i chaʼan Mateo miʼ tsʼitaʼ al i subtʼan Jesús tsaʼ bʌ i mele yaʼ ti Galilea. Cheʼ bʌ tiʼ tsʼʌca jiñi quixtañujob, tsiʼ pʌsʌ i pʼʌtʌlel, pero jiñi ñumen ñuc bʌ tsiʼ pʌsʌ jiñʌch i cʼuxbiya yicʼot i pʼuntaya tiʼ tojlel yañoʼ bʌ.

1. 

   Jesús tiʼ tsʼʌca juntiquil am bʌ i tsoy (Mt. 8:1-3).

2. Jesús tiʼ tsʼʌca juntiquil xʼeʼtel i chaʼan jiñi i yum soldadojob (Mt. 8:5-13).

   Tiʼ tsʼʌcʌbe i ñaʼ i yijñam Pedro (Mt. 8:14, 15).

   Tsiʼ locʼsa xibʌjlel yicʼot tiʼ tsʼʌca jiñi cʼamoʼ bʌ (Mt. 8:16, 17).

3. Jesús tsiʼ locʼsa jaʼel jiñi cʼax jontol bʌ xibajob i tsiʼ choco majlel baqui an cabʌl chitam (Mt. 8:28-32).

4. Jesús tsiʼ tsʼʌca jaʼel juntiquil mach bʌ weñic i yoc i cʼʌb (Mt. 9:1-8).

   Tiʼ tsʼʌca juntiquil xʼixic tsaʼ bʌ i chucbe i yoc i pislel yicʼot tiʼ chaʼ tejchesa i yixicpʼeñal Jairo (Mt. 9:18-26).

   Tiʼ tsʼʌca chaʼtiquil xpotsʼob yicʼot juntiquil xʼumaʼ (Mt. 9:27-34).

5. Jesús tsajñi ti yan tac bʌ tejclum chaʼan miʼ tsʼʌcan jiñi añoʼ bʌ i cʼuxyajiyel (Mt. 9:35, 36).

¿Bajcheʼ miʼ mejlel c ñumen cʼuxbin yicʼot c pʼuntan jiñi c piʼʌlob?