Jesús maʼañic tsiʼ cʼʌñʌ cabʌlob chaʼan miʼ mʌcʼlan yonlel quixtañujob

Cheʼ lʌcʼʌlix jiñi Pascua ti jabil 32, Jesús tsiʼ mele jumpʼejl milagro cojach bʌ miʼ yʌjlel tiʼ chʌmpʼejlel Evangelio.

Ti ili milagro an chuqui ñuc bʌ tsiʼ waʼchoco wolito bʌ i mejlel ti ili ora.

14:16-21

• Jesús tsiʼ sube jiñi xcʌntʼañob chaʼan miʼ mʌcʼlañob yonlel quixtañujob, anquese cojach añob i chaʼan joʼpʼejl caxlan waj yicʼot chaʼcojt chʌy.

• Jesús tsiʼ chʼʌmʌ jiñi caxlan waj yicʼot jiñi chʌy, tsiʼ mele oración i cheʼ jiñi tsiʼ yʌqʼue jiñi xcʌntʼañob chaʼan miʼ pucob.

• Jumpʼejlʌch milagro come tsaʼ jastiyi i bʌlob i ñʌcʼ. Jesús mach cabʌl xcʌntʼañob tsiʼ cʼʌñʌ chaʼan miʼ weʼsan yonlelob.

  

• Jesús tsiʼ wʌn alʌ chaʼan ti ili cojix bʌ qʼuin mi caj i waʼchocon muʼ bʌ caj i yʌcʼ bʌlñʌcʼʌl «cheʼ ti yorajlel» (Mt. 24:45).

• Cheʼ ti 1919, Jesús tsiʼ yajca junmojt xñoptʼañob bombiloʼ bʌ chaʼan miʼ yochelob bajcheʼ «xucʼul bʌ xʼeʼtel am bʌ cabʌl i ñaʼtʌbal», i tsaʼ waʼchoconti tiʼ tojlel jiñi «añoʼ bʌ tiʼ yotot», ili jiñʌch muʼ bʌ i chʼʌmob jiñi chʼujul bʌ bʌlñʌcʼʌl.

• Ti ili ora, Jesús woli jach i cʼʌn junmojt xñoptʼañob bombiloʼ bʌ cheʼ bajcheʼ tsiʼ mele ti ñaxam bʌ siglo.

¿Bajcheʼ miʼ mejlel c pʌs chaʼan mic jacʼ yicʼot mic chʼʌm ti ñuc jiñi woli bʌ i cʼʌn Jesús chaʼan miʼ yʌqʼuen chʼujul bʌ bʌlñʌcʼʌl i wiñicob?