I MELBAL JIÑI XÑOPTʼAN
Laʼ lac pʌs lac pecʼlel yicʼot pʼisbil jach chuqui miʼ mejlel lac mel cheʼ bajcheʼ tsiʼ mele Jesús
Anquese Jesús jiñʌch ñumen ñuc bʌ wiñic ajñem bʌ wʌʼ ti Pañimil, tsiʼ pʌsʌ chaʼan añʌch i pecʼlel yicʼot chaʼan pʼisbil jach chuqui miʼ mel cheʼ bʌ tsiʼ yʌqʼue i ñuclel i Tat (Jn. 7:16-18). ¡Satanás mach cheʼic tsiʼ mele! Jiñi jontol bʌ ángel tsaʼ sujti ti Diablo yom bʌ i yʌl «xJopʼtʼan» (Jn. 8:44). Jiñi fariseojob cheʼ tiʼ chanʼesayob i bʌ jaʼel bajcheʼ Satanás, jin chaʼan tiʼ tsʼaʼleyob tiʼ pejtelel jiñi muʼ bʌ i ñopob jiñi Mesías (Jn. 7:45-49). ¿Bajcheʼ miʼ mejlel lac lajin Jesús cheʼ an chuqui mi lac cʌqʼuentel lac mel o mi la cʌqʼuentel jumpʼejl la queʼtel yaʼ ti congregación?
CHEʼ BɅ TSAʼIX LAʼ QʼUELE JIÑI VIDEO YOM MI LAJ CʼUXBIN YAMBɅLOB: JIÑI AM BɅ I CʼUXBIYA MACH TSɅYTSɅYÑA I PUSICʼAL I MACH ÑUC MIʼ QʼUEL I BɅ (PARTE 1), JACʼɅ ILI CʼAJTIYA TAC:
¿Chucoch miʼ mejlel la cʌl chaʼan jiñi Álex miʼ qʼuel i bʌ ti ñuc?
CHEʼ BɅ TSAʼIX LAʼ QʼUELE JIÑI VIDEO YOM MI LAJ CʼUXBIN YAMBɅLOB: JIÑI AM BɅ I CʼUXBIYA MACH TSɅYTSɅYÑA I PUSICʼAL I MACH ÑUC MIʼ QʼUEL I BɅ (PARTE 2), JACʼɅ ILI CʼAJTIYA TAC:
¿Bajcheʼ tsiʼ pʌsʌ i pecʼlel Álex?
¿Chuqui tsiʼ mele Álex chaʼan miʼ coltan Luis yicʼot Carlos?
CHEʼ BɅ TSAʼIX LAʼ QʼUELE JIÑI VIDEO YOM MI LAJ CʼUXBIN YAMBɅLOB: JIÑI AM BɅ I CʼUXBIYA MAʼAÑIC MIʼ CHANʼESAN I BɅ I MACH LECOJIC I MELBAL (PARTE 1), JACʼɅ ILI CʼAJTIYA TAC:
¿Chucoch miʼ mejlel la cʌl chaʼan jiñi hermano Hernández maʼan tsiʼ pʌsʌ chaʼan mach luʼ mejlic i mel?
CHEʼ BɅ TSAʼIX LAʼ QʼUELE JIÑI VIDEO YOM MI LAJ CʼUXBIN YAMBɅLOB: JIÑI AM BɅ I CʼUXBIYA MAʼAÑIC MIʼ CHANʼESAN I BɅ I MACH LECOJIC I MELBAL (PARTE 2), JACʼɅ ILI CʼAJTIYA TAC:
¿Bajcheʼ tsiʼ pʌsʌ jiñi hermano Hernández chaʼan pʼisbil jach muʼ bʌ i mejlel i mel?
¿Chuqui tsiʼ cʌñʌ Sara tiʼ tojlel jiñi hermano Hernández?