Jiñi cʼuxbiya miʼ yʌcʼ ti cʌjñel jiñi isujm bʌ xñoptʼañob: Laʼ lac chaʼlen wersa chaʼan maʼan mi lac tʼox lac bʌ

¿CHUCOCH ÑUC I CʼɅJÑIBAL? Ti jiñi acʼʌlel cheʼ bʌ muʼto caj i chʌmel Jesús tsiʼ cʼajtibe i Tat chaʼan chʌn muchʼul miʼ yajñelob jiñi xcʌntʼañob i chaʼan (Jn. 17:23, TNM). Chaʼan chʌn muchʼul mi la cajñel yom mi laj cʼuxbin lac bʌ ti lac pejtelel i maʼañic mi lac lot ti lac pusicʼal jiñi laj contrajintel (1 Co. 13:5).

¿BAJCHEʼ YOM MIʼ MEJLEL?

• Yom mi laj qʼuelben wen tac bʌ i melbal jiñi yambʌlob cheʼ bajcheʼ miʼ mel Jehová.

• Yom mi lac ñusʌben i mul yambʌlob.

• Yom mi lac tojʼesan lac wocol i maʼañic mi lac chʌn cʼajtesa jiñi tsaʼ bʌ ujti (Pr. 17:9).

CHEʼ BɅ TSAʼIX LAʼ QʼUELE JIÑI VIDEO YOM MI LAJ CʼUXBIN YAMBɅLOB: JIÑI YUJIL BɅ CʼUXBIYA MAʼAÑIC MIʼ LOT TIʼ PUSICʼAL I CONTRAJINTEL, JACʼɅ ILI CʼAJTIYA TAC:

• ¿Chucoch maʼ wʌl chaʼan ti ñaxan, Elena woliʼ «lot tiʼ pusicʼal i contrajintel»?

• ¿Bajcheʼ tsaʼ mejli i locʼ tiʼ pensar Elena jiñi mach bʌ weñic?

• ¿Bajcheʼ tsiʼ chaʼle coltaya Elena chaʼan muchʼul miʼ yajñel jiñi congregación?