Laʼ lac chʌn pijtan i mach lujbʼaconla

¿Jaypʼejlix jab woli a pijtan chaʼan miʼ tilel i Yumʌntel Dios? ¿Woli baʼ chʌn pijtan anquese maʼ ñusan cabʌl wocol? (Ro. 8:25). An xñoptʼañob woli bʌ i ñusañob tsʼaʼlentel, ticʼlʌntel, miʼ yotsʌntelob ti cárcel yicʼot miʼ chʼʌjquelob. Cheʼ jaʼel, an woli bʌ i ñusañob wocol tiʼ caj cʼamʌjel maʼañic bʌ i tsʼʌcal o chaʼan ñoxobix.

¿Chuqui yom mi lac mel chaʼan mi lac pijtan i maʼañic mi lac lujbʼan? Yom mi lac pejcan jiñi Biblia i mi lac wen ñaʼtan chuqui miʼ yʌl chaʼan miʼ lac pʼʌtʼesan lac ñopoñel ti jujumpʼejl qʼuin, cheʼ jaʼel yom mi lac chʌn cʼajtesan jiñi lac pijtaya (2 Co. 4:16-18; He. 12:2). Yom mi laj cʼajtiben Jehová chʼujul bʌ i yespíritu chaʼan miʼ pʼʌtʼesañonla (Lc. 11:10, 13; He. 5:7). Jiñi lac tat am bʌ i cʼuxbiya mi caj i coltañonla chaʼan maʼañic mi lac lujbʼan yicʼot maʼañic mi lac sʌt lac tijicñʌyel (Col. 1:11; Stg. 1:2, 3).

QʼUELE JIÑI VIDEO MACH YOMIC MI LAC LUJBʼAN CHEʼ BɅ WOLIYONLA TI AJÑEL: LAʼ LAC ÑOP CHAʼAN MUCʼɅCH CAJ LAC TAJ LAC MAJTAN, JACʼɅ ILI CʼAJTIYA TAC:

• 

  ¿Chuqui miʼ mejlel ti ujtel mach bʌ ñaʼtʌbilic lac chaʼan? (Ec. 9:11, 12).

• 

  ¿Bajcheʼ miʼ coltañonla jiñi oración chaʼan mi lac lʌtʼ jiñi wocol tac?

• 

  Mi maʼañix miʼ mejlel lac melben i yeʼtel Jehová bajcheʼ ti ñaxan, ¿chucoch wen cheʼ mi la cʌcʼ lac pensar ti jiñi muʼ bʌ i mejlel lac mel?

• 

  ¿Chucoch mucʼʌch a ñop chaʼan mi caj a taj a majtan?