ÑUC TAC BɅ I CʼɅJÑIBAL TI BIBLIA | GÁLATAS 4-6
Jumpʼejl «lajiya» am bʌ i sujmlel chaʼañonla
Jiñi apóstol Pablo tsiʼ cʼʌñʌ ili lajiya chaʼan miʼ pʌs chaʼan ñumen ñuc jiñi tsijiʼ bʌ trato bajcheʼ jiñi i Mandar Moisés. Jesús yicʼot jiñi muʼ bʌ caj i chaʼleñob yumʌntel, mi caj i coltan jiñi quixtañujob chaʼan miʼ loqʼuelob tiʼ pʼʌtʌlel jiñi mulil, chʌmel yicʼot muʼ bʌ i yʌqʼueñob i chʼijiyemlel (Is. 25:8, 9).
AGAR, JIÑI CRIADA Jiñʌch jiñi tejclum Israel chuculoʼ bʌ tiʼ Mandar Moisés, i capital ili tejclum jiñʌch Jerusalén |
SARA, JIÑI LIBRE BɅ XʼIXIC Jiñʌch jiñi Jerusalén am bʌ ti chan, jumpʼejl parte i yorganización Dios ti panchan |
I YALOBILOB AGAR Jiñʌch jiñi judíojob tsaʼ bʌ i yʌcʼʌyob i tʼan chaʼan mi caj i jacʼob i Mandar Moisés pero tsiʼ contrajiyob yicʼot tiʼ tsʼaʼleyob Jesús |
I YALOBILOB SARA Jiñʌch Jesucristo yicʼot jiñi 144 mil bombiloʼ bʌ xñoptʼañob |
CɅCHɅLOB TIʼ MANDAR MOISÉS Jiñi i mandar Moisés tsiʼ cʼajtesʌbe jiñi israelob chaʼan cʌchʌlob tiʼ pʼʌtʌlel mulil |
JIÑI TSIJIʼ BɅ TRATO MIʼ YɅCʼ COLTɅNTEL Jiñi israelob tsaʼ mejliyob ti loqʼuel tiʼ jacʼol i Mandar Moisés cheʼ bʌ tsiʼ yʌcʼʌyob i ñopoñel ti jiñi i cuxtʌlel tsaʼ bʌ i yʌcʼʌ Jesús |