Laʼ lac choc loqʼuel lac tsucul pusicʼal i laʼ lac xoj jiñi tsijiʼ bʌ

3:5-14

¿Cabʌl ba chuqui tsaʼ qʼuexta cheʼ bʌ tsaʼ caji a cʌn jiñi i sujmlel? Miʼ mejlel a ñop chaʼan Jehová tsiʼ yubi i tijicñʌyel cheʼ bʌ tsaʼ caji a qʼuextan a melbal (Ez. 33:11). Pero yomʌch maʼ chʌn chaʼlen wersa chaʼan maʼ xoj jiñi tsijiʼ bʌ a pusicʼal, cheʼ jiñi mi caj i coltañet chaʼan maʼañix maʼ chʌn mel jiñi mach bʌ weñic. Chaʼan maʼ ñaʼtan baquito yom maʼ qʼuextan a melbal, jacʼʌ ili cʼajtiya tac:

• ¿Muʼ ba c tsʼaʼlen jiñi tsaʼ bʌ i melbeyon mach bʌ weñic?

• ¿Cujil ba pijt cheʼ bʌ an chuqui yom mic mel ti ora o cheʼ bʌ lujbon?

• ¿Ti ora ba mic choc loqʼuel tic ñaʼtʌbal i chaʼan tac bʌ tsʼiʼlel?

• ¿Muʼ ba c tsʼaʼlen jiñi yujiloʼ bʌ yambʌ tʼan o tilemoʼ bʌ ti yambʌ tejclum?

• ¿Am ba majqui tsaʼ c pejca ti tsʌts bʌ tʼan o tsaʼ michʼayon quicʼot?