Jehová maʼañic miʼ ñajʌtesan chuqui wem bʌ mi lac mel

Cheʼ mi lac melben i yeʼtel Jehová maʼañic baʼ ora mi caj i ñajʌyel i chaʼan. Lajal bajcheʼ juntiquil tatʌl muʼ bʌ i cʼajtesan tiʼ pejtelel chuqui miʼ mel i yalobil, Jehová maʼañic miʼ ñajʌyel i chaʼan chuqui wem bʌ mi lac mel yicʼot jiñi cʼuxbiya muʼ bʌ lac pʌs tiʼ tojlel i cʼabaʼ (Mt. 6:20; He. 6:10). I sujm, mach junlajalic chuqui la cujil melol i mach junlajalic chuqui an lac ñusa. Pero mi mucʼʌch lac chaʼlen wersa lac melben i yeʼtel Jehová, tijicña mi caj la cubin (Gá. 6:4; Col. 3:23). Cʼʌlʌl ti wajali yonlel hermanojob an i chaʼleyob eʼtel ti Betel. ¿Muʼ ba lac mejlel ti majlel jaʼel? Mi joñonla mach mejloñicla, ¿muʼ ba i mejlel lac suben yambʌlob chaʼan miʼ majlelob o muʼ ba i mejlel laj coltan jiñi lac familia yaʼix bʌ añob ti Betel?

CHEʼ BɅ TSAʼIX LAʼ QʼUELE JIÑI VIDEO ¿CHUQUI YOM MAʼ MEL CHAʼAN MAʼ WOCHEL TI BETEL?, JACʼɅ ILI CʼAJTIYA TAC:

• ¿Chuqui yom bʌ miʼ ñijcan lac pusicʼal chaʼan mi lac majlel ti eʼtel ti Betel?

• ¿Chuqui an i yʌlʌ jiñi hermanojob chaʼan jiñi bendición tac am bʌ i tajayob ti Betel?

• ¿Chuqui miʼ cʼajtintel chaʼan mi lac mejlel ti eʼtel ti Betel?

• ¿Bajcheʼ miʼ mejlel laj cʼajtin chaʼan mi la cochel ti Betel?