Jehová miʼ cʼuxbin jiñi sʌcoʼ bʌ miʼ yajñel

An tatʌlob muʼ bʌ i cʌntesañob i yalobil chaʼan miʼ pocob i cʼʌb, miʼ pocob i chʼejew, miʼ misuñob i yotot yicʼot chaʼan miʼ tempañob jiñi basura come yom chaʼan sʌc miʼ yajñelob. Pero yom bʌ chaʼan sʌc mi la cajñel jiñʌch Jehová come chʼujulʌch (Éx. 30:17-20; Dt. 23:14; 2 Co. 7:1). Cheʼ bʌ mi lac tsʼʌmel ti jujumpʼejl qʼuin i mi lac sʌqʼuesan la cotot, mi la cʌqʼuen i ñuclel Jehová (1 P. 1:14-16). ¿Sʌc ba jiñi lac chumlib? An lac piʼʌlob muʼ bʌ i chocob basura ti carretera, ti jaʼ o baqui jach, pero jiñi xñoptʼañonbʌla mi lac chaʼlen wersa chaʼan mi laj cʌntan ili Pañimil (Sal. 115:16; Ap. 11:18). Cheʼ jaʼel, muʼ bʌ i pʌs chaʼan bajcheʼ yilal mi laj qʼuel jiñi i sʌqʼuesʌntel chuqui jach an jiñʌch baqui mi lac chocben i tejpʼib jiñi dulce, i yajñib jiñi refresco o i pat jiñi chicle. La com chaʼan tsiquil mi laj qʼuejlel chaʼan xʼeʼtelonla i chaʼan Dios tiʼ pejtelel chuqui mi lac mel (2 Co. 6:3, 4).

CHEʼ BɅ TSAʼIX LAʼ QʼUELE JIÑI VIDEO DIOS MIʼ CʼUXBIN JIÑI SɅCOʼ BɅ MIʼ YAJÑEL, JACʼɅ ILI CʼAJTIYA TAC:

• ¿Chuqui miʼ waʼ poj tajob ti tʼan jiñi lac piʼʌlob chaʼan maʼañic miʼ sʌqʼuesañob i chubʌʼan?

• ¿Bajcheʼ miʼ coltañonla jiñi i mandar Moisés chaʼan mi lac ñaʼtan bajcheʼ yilal miʼ qʼuel Jehová cheʼ sʌc mi la cajñel yicʼot cheʼ sʌc lac chubʌʼan?

• ¿Bajcheʼ miʼ mejlel la cʌqʼuen i ñuclel Jehová ti lac melbal jach?