I MELBAL JIÑI XÑOPTʼAN
Yom chʌn xucʼul mi la cajñel cheʼ lʌcʼʌlix i jilibal ili pañimil
¿CHUCOCH ÑUC I CʼɅJÑIBAL? Mach jalix yom, an chuqui ñuc bʌ miʼ cajel baqui mi caj i ñojpel mi añʌch lac chʼejlel yicʼot mi ñumen pʼʌtʌlʌch lac ñopoñel ti Jehová. Mi caj i tejchel jiñi ñuc bʌ wocol cheʼ bʌ miʼ jisʌntel jiñi mach bʌ i sujmic ñopbalʌl (Mt. 24:21; Ap. 17:16, 17). Ti jiñi bʌ ora mi caj lac sub chaʼan mi caj i jisʌntelob (Ap. 16:21). Jiñi Gog i chaʼan Magog mi caj i contrajiñonla (Ez. 38:10-12, 14-16). Cheʼ jiñi, Jehová mi caj i choc tilel jiñi «guerra muʼ bʌ caj i yujtel ti jini ñuc bʌ qʼuin, i qʼuiñilel Dios Mach bʌ Anic i Pʼisol i Pʼʌtʌlel» (Ap. 16:14, 16). Mi com lac pʌs lac chʼejlel ti jiñi talto bʌ, yom mi lac pʌs lac xucʼtilel ti jiñi wocol muʼ bʌ i tilel ti lac tojlel ili ora.
¿BAJCHEʼ YOM MIʼ MEJLEL?
Jiñʌch cheʼ mi laj coltan jiñi mandar muʼ bʌ i yʌcʼ Jehová i mi lac chumtan (Is. 5:20).
Jiñʌch cheʼ mi lac chʼujutesan Jehová ti temel yicʼot la quermañujob (He. 10:24, 25).
Jiñʌch cheʼ ti ora mi lac jacʼ muʼ bʌ i subeñonla i yorganización Jehová (He. 13:17).
Jiñʌch cheʼ mi lac wen ñaʼtan bajcheʼ tsiʼ colta i tejclum Jehová ti wajali (2 P. 2:9).
Jiñʌch cheʼ mi lac chʌn pejcan Jehová ti oración yicʼot mi lac ñop chaʼan mi caj i coltañonla (Sal. 112:7, 8).
CHEʼ BɅ TSAʼIX LAʼ QʼUELE JIÑI VIDEO YOM CHʼEJLONLA CHAʼAN JIÑI MUʼ BɅ CAJ I YUJTEL TAC TI TALTO BɅ QʼUIN (I XUJTʼIL), JACʼɅ ILI CʼAJTIYA TAC:
¿Bajcheʼ tsaʼ tsictiyi chaʼan mucʼʌch i jacʼob tʼan jiñi hermanojob cheʼ bʌ tsaʼ tʼoxle jiñi congregación?
¿Bajcheʼ miʼ taj i bʌ jiñi chʼejlel yicʼot i jacʼol tʼan?
¿Chucoch mach yomic mi lac chaʼlen bʌqʼuen cheʼ ti Armagedón?
Yom maʼ chajpan a bʌ chaʼan jiñi talto bʌ qʼuin come yom mi caj a pʌs a chʼejlel chaʼan jiñi muʼ bʌ caj i yujtel tac.
¿Baqui bʌ relato am bʌ yaʼ ti Biblia miʼ yʌqʼueñonla lac ñop chaʼan Jehová mucʼʌch caj i coltañonla? (2 Cr. 20:1-24).