Mach lac mel muʼ bʌ i melob yambʌlob

23:1-3

Ti jiñi Mandar tsaʼ bʌ i yʌcʼʌ Jehová, tiʼ sube jiñi juezob yicʼot jiñi muʼ bʌ i yajñelob bajcheʼ testigo ti jumpʼejl meloñibʌl chaʼan maʼañic miʼ jacʼob chuqui muʼ bʌ i yʌlob jiñi quixtañujob. Jiñi juezob junlajal yom miʼ yajñel tiʼ tojlel jiñi quixtañujob, i jiñi muʼ bʌ i yajñelob bajcheʼ testigo yomʌch miʼ yʌlob chuqui i sujmlel. Jiñi principio muʼ bʌ i yʌl chaʼan mach yomic mi lac mel muʼ bʌ i mel yambʌlob an yambʌ tac baqui miʼ mejlel i coltañonla come ili pañimil cabʌl jax bajcheʼ miʼ mejlel i qʼuextan lac pensar chaʼan mi lac mel bajcheʼ miʼ melob (Ro. 12:2, TNM).

¿Chucoch mach weñic cheʼ bʌ mi lac mel muʼ bʌ i mel yambʌlob...

• cheʼ bʌ mi la cubin chaʼan an majqui woliʼ yʌlob o an chuqui woliʼ yʌlob?

• cheʼ bʌ mi lac yajcan bajcheʼ yilal lac pislel, chaʼan bajcheʼ mi caj lac xiban la col yicʼot chaʼan jiñi lac ñusaqʼuin?

• chaʼan bajcheʼ yilal mi laj qʼuel jiñi yʌñʌl bʌ i colorlel i pʌchʌlelob, i cultura, jiñi añoʼ bʌ i taqʼuin o jiñi mach bʌ wen añobic i chaʼan yicʼot cheʼ bʌ mi lac pejcañob?