I MELBAL JIÑI XÑOPTʼAN
Laʼ laj cʌntan lac bʌ chaʼan maʼañic mi lac puc ñumel mach bʌ i sujmic tʼan
Ili ora, jiñi noticia tac muʼ bʌ i ñumel ti televisión, ti radio o ti Internet orajach miʼ pam pujquel. Jiñi muʼ bʌ lac chʼujutesan i sujm bʌ Dios mach la comic lac puc tʼan tac mach bʌ isujmic, anquese tajol mach jiñic la com bʌ lac mel jiñi (Sal. 31:5; Éx. 23:1). Jiñi muʼ bʌ lac suben yambʌlob miʼ mejlel i chʼʌm tilel cabʌl wocol. Chaʼan miʼ mejlel lac ñaʼtan miʼ sujmʌch woli bʌ i yʌjlel, laʼ laj cʼajtiben lac bʌ:
¿Muʼ ba i mejlel lac ñopben i tʼan? Tajol mach luʼ yujilic jiñi tsaʼ bʌ ujti. Mi cheʼ jach miʼ yʌjlel majlel jiñi tsaʼ bʌ ajli, miʼ mejlel ti qʼuextʌyel. Jin chaʼan, yom wen tsajilet cheʼ bʌ mach a wen a wujilic chuqui woli bʌ i yʌjlel. Jiñi waʼchocobiloʼ bʌ ti congregación yomʌch tsajilob chaʼan maʼañic mi quej i yʌlob mach bʌ wen yujilobic miʼ ñoj cheʼʌch an i sujmlel come yom miʼ cʌjñelob chaʼan chuqui muʼ bʌ i yʌlob i sujmlelʌch.
¿Muʼ ba caj i yʌcʼ ti wocol juntiquil? Mi mucʼʌch, mach i bej puquic jiñi tʼan (Pr. 18:8; Fil. 4:8).
¿Muʼ ba mejlel lac ñop? Laʼ laj cʌntan lac bʌ cheʼ bʌ miʼ yʌjlel mach bʌ wen añix i sujmlel.
CHEʼ BɅ TSAʼIX LAʼ QʼUELE JIÑI VIDEO ¡MACH A WɅL YAMBɅLOB!, JACʼɅ ILI CʼAJTIYA TAC:
Cheʼ bajcheʼ miʼ yʌl Proverbios 12:18, ¿bajcheʼ cʼamel miʼ mejlel i ticʼlan yambʌlob jiñi lac tʼan?
¿Bajcheʼ miʼ coltañonla Filipenses 2:4 chaʼan ñaxan yom mi lac ñaʼtan cheʼ bʌ an chuqui mi caj la cʌl tiʼ tojlel yambʌlob?
¿Chuqui mi caj lac mel cheʼ bʌ mach weñix chuqui mi caj i yʌjlel tiʼ tojlel yambʌlob?
Mi an chuqui la com la cʌl tiʼ tojlel yambʌlob, ¿chuqui yom mi laj cʼajtiben lac bʌ?