Jiñi ñumen ñuc bʌ am bʌ yaʼ ti tabernáculo

25:9, 21, 22

Jiñi arca chaʼan trato jiñʌch jiñi ñumen ñuc bʌ am bʌ yaʼ ti tabernáculo yicʼot ti jiñi tejclum Israel. Jiñi tocal am bʌ tiʼ pam jiñi chaʼpʼejl i yejtal querubiñob lajalʌch bajcheʼ yaʼan Dios. Cheʼ tiʼ Qʼuiñilel i ñusʌntel mulil, jiñi ñuc bʌ sacerdote miʼ yochel yaʼ ti Cʼax chʼujul bʌ ajñibʌl, i miʼ tsijcʌben i chʼichʼel jiñi tat wacax yicʼot i chʼichʼel jiñi chivo tiʼ pam jiñi arca chaʼan trato chaʼan miʼ ñusʌbentel i mul jiñi israelitajob (Lv. 16:14, 15). Ili tsiʼ pʌsʌ cheʼ bʌ Jesús, jiñi Ñuc bʌ sacerdote, tsaʼ cʼoti ti panchan baqui an Jehová chaʼan miʼ yʌcʼ jiñi i chʼichʼel bajcheʼ majtañʌl (He. 9:24-26).

Qʼuele bajcheʼ miʼ taj i bʌ ili texto tac yicʼot jiñi bendición tac muʼ bʌ i mejlel lac taj cheʼ bʌ Jesús tsiʼ yʌcʼʌ i cuxtʌlel.

TEXTO TAC

• 1 Jn. 1:8, 9

• He. 9:13, 14

• Ro. 6:23

BENDICIÓN TAC

• Jiñi pijtaya chaʼan mi lac chumtʌl tiʼ pejtelel ora

• I ñusʌntel lac mul

• Chaʼan sʌc miʼ yajñel jiñi laj conciencia

¿Chuqui yom mi lac mel chaʼan mi lac taj ili bendición tac?