¿Mejl ba a ñumen acʼ a coltaya tiʼ yorganización Jehová?

Cheʼ bajcheʼ tsiʼ yʌlʌ Isaías, jiñi i yorganización Jehová ila ti lum woliʼ ñumen pʼojlel majlel i maʼañic baqui ujtem cheʼ bajcheʼ iliyi (Is. 54:2). Jin chaʼan, ili ora yom miʼ ñumen mejlel i Yotlel tempa bʌ, i Yotlel colem tempa bʌ tac yicʼot sucursal tac. Cheʼ bʌ tsaʼix mejli tac yom miʼ cʌntʌntel, miʼ sʌqʼuesʌntel i ti wiʼil tajol an tac muʼ bʌ i chaʼ tojʼesʌntel. ¿Bajcheʼ miʼ mejlel laj cʼʌn jiñi i yorajlel am bʌ lac chaʼan yicʼot jiñi lac pʼʌtʌlel chaʼan mi la cʌqʼuen laj coltaya Jehová?

• Jiñʌch cheʼ bʌ mi lac chaʼlen coltaya tiʼ sʌqʼuesʌntel jiñi i Yotlel tempa bʌ.

• Jiñʌch cheʼ bʌ mi lac chʼʌm laj cʌntesʌntel chaʼan bajcheʼ yom mi lac sʌqʼuesan yicʼot lac tojʼesan jiñi i Yotlel tempa bʌ.

• Jiñʌch cheʼ bʌ mi lac butʼ jiñi Solicitud de voluntario local de diseño y construcción (DC-50) i mi lac mejlel ti coltaya baqui tac mi lac chʼujutesan Jehová.

• Jiñʌch cheʼ bʌ mi lac butʼ jiñi Solicitud para el programa de voluntarios (A-19) i mi lac mejlel ti coltaya ti Betel jumpʼejl semana o jiñʌch bajcheʼ cʼamel yom, o chaʼan mi lac chaʼlen coltaya baqui miʼ yʌl jiñi sucursal am bʌ tiʼ wenta jiñi lac territorio.

CHEʼ BɅ TSAʼIX LAʼ QʼUELE JIÑI VIDEO JUMPʼEJL EʼTEL MUʼTO BɅ I CAJEL (I XUJTʼIL), JACʼɅ ILI CʼAJTIYA TAC:

• ¿Bajcheʼ woliʼ ñumen cʼʌjñel tilel jiñi video tac cʼʌlʌl cheʼ ti 2014?

• Chaʼan miʼ ñumen mejlel jiñi video i cʼʌjñibal bʌ lac chaʼan, ¿chuqui ti eʼtel miʼ cajel, i baqui ora mi caj i yujtel?

• ¿Bajcheʼ miʼ mejlel i yʌcʼob i coltaya jiñi hermanojob?

• Mi la com lac chaʼlen coltaya ti jiñi eʼtel muʼ bʌ cajel yaʼ ti Rámapo, ¿chucoch yom mi lac butʼ jiñi solicitud DC-50 i mi lac chaʼlen coltaya yicʼot jiñi LDC?

• ¿Bajcheʼ mi lac ñaʼtan chaʼan Jehová woliyʌch ti coltaya ti ili eʼtel?

• ¿Bajcheʼ miʼ mejlel laj coltan ili eʼtel miʼ mach mejloñicla ti majlel baqui woli ili eʼtel?