Tatʌlob, cʌntesanla laʼ walobilob chaʼan miʼ cʌntañob i bʌ

Ti ili pañimil, cabʌl miʼ yʌlob chaʼan maʼañic i wocolel cheʼ mi lac mel jontolil, pero mach utsʼatic miʼ qʼuelob jiñi wen bʌ melbalʌl tac (Is. 5:20). Chʼijyemtic jax ti alol, pero cabʌl lac piʼʌlob miʼ melob muʼ bʌ i tsʼaʼlen Jehová, i yaʼ ochem jiñi muʼ bʌ i wʌlʌc piʼleñob i bʌ. Jiñi i piʼʌlob ti clase laʼ walobilob yicʼot yambʌ quixtañujob miʼ mejlel i yotsʌbeñob tiʼ ñaʼtʌbal chaʼan miʼ melob mach bʌ weñic. Tatʌlob, ¿bajcheʼ miʼ mejlel laʼ cʌntesañob jiñi laʼ walobilob chaʼan chuqui yom miʼ melob cheʼ bʌ miʼ subentelob i mel mach bʌ weñic?

Cʌntesanla muʼ bʌ i yʌl Jehová (Lv. 18:3). Cheʼ bʌ wolito i colelob majlel jiñi laʼ walobilob, cʌntesanla muʼ bʌ i yʌl jiñi Biblia chaʼan jiñi piʼleya (Dt. 6:7). Tatʌlob, cʼajtiben laʼ bʌ: «¿Am ba j cʌntesa jiñi calobilob chaʼan yom tsajilob tiʼ tojlel yambʌlob? ¿Yujiloʼ ba chaʼan ñuc i cʼʌjñibal cheʼ utsʼat bajcheʼ miʼ xojob i pislel? ¿Yujiloʼ ba chaʼan ñuc i cʼʌjñibal cheʼ maʼañic majqui yambʌ yom miʼ qʼuel cheʼ bʌ maʼañic i pislel? ¿Yujiloʼ ba chuqui yom miʼ melob cheʼ bʌ an majqui yom i pʌsbeñob video tac i chaʼan bʌ pornografía o miʼ subentelob i mel mach tac bʌ weñic?». Mi wʌn yujilobix iliyi, maʼañic mi caj i tajol cabʌl wocol (Pr. 27:12; Ec. 7:12, TNM). Cheʼ bʌ mi laj cʌntesan jiñi la calobilob, mi lac pʌs chaʼan mi laj qʼuel ti ñuc jiñi majtañʌl tsaʼ bʌ i yʌqʼueyonla Jehová (Sal. 127:3).

CHEʼ BɅ TSAʼIX LAʼ QʼUELE JIÑI VIDEO LAʼ LAC MEL LA COTOT MUʼ BɅ I CUCH CHUQUI JACH: LAʼ LAJ CɅNTAN LA CALOBILOB TIʼ TOJLEL JONTOLOB, JACʼɅ ILI CʼAJTIYA TAC:

• 

  ¿Chucoch an tatʌlob wocol bʌ miʼ yubiñob chaʼan miʼ yʌlob yicʼot i yalobilob jiñi temaj chaʼan bʌ piʼleya?

• 

  ¿Chucoch jiñi tatʌlob yom miʼ cʌntesañob i yalobil cheʼ bajcheʼ miʼ yʌl Jehová? (Ef. 6:4).

• 

  ¿Chuqui tac ti eʼtijib am bʌ i yʌcʼʌ jiñi i yorganización Jehová miʼ mejlel i cʼʌñob jiñi tatʌlob? (w19.05 12).

• ¿Chucoch ñuc i cʼʌjñibal cheʼ bʌ mi laʼ chaʼlen tʼan laʼ wicʼot laʼ walobilob cheʼ bʌ maxto añic i ñusa jiñi wocol tac?