Laʼ laj qʼuel jiñi ñoxix bʌ xʼixicob cheʼ bajcheʼ lac mamá i jiñi xchʼocob bajcheʼ la quijtsʼiñob

Jiñi Biblia miʼ subeñonla chaʼan jiñi hermanojob ñoxobix bʌ yom mi laj qʼuelob bajcheʼ lac tatob i jiñi maxto bʌ ñoxobic cheʼ bajcheʼ la querañob (pejcan 1 Timoteo 5:1, 2). I ñumen ñucto i cʼʌjñibal cheʼ jiñi wiñicob miʼ qʼuelob ti ñuc jiñi hermanajob.

Mi juntiquilic hermano yom lecojax miʼ mel tiʼ tojlel juntiquil hermana (Job 31:1). I juntiquil i bajñelto bʌ mach yomic miʼ toʼol chaʼlen alas yicʼot juntiquil hermana i bajñelto bʌ i miʼ yʌqʼuen i ñaʼtan chaʼan miʼ mulan cheʼ bʌ mach i sujmic.

Jiñi ancianojob yom miʼ ñʌchʼtañob ti wen juntiquil hermana wen jach bʌ miʼ mel jumpʼejl cʼajtiya o muʼ bʌ i yʌl chaʼan an chuqui yom bʌ miʼ qʼuejlel. I muʼto i ñumen qʼuelob ti ñuc jiñi hermanajob maʼañobic bʌ i ñoxiʼal (Rt. 2:8, 9).

CHEʼ BɅ TSAʼIX LAʼ QʼUELE JIÑI VIDEO CHɅN PɅSBEÑOB CʼUXBIYA JIÑI MUʼ BɅ I CHʼUJUTESAÑOB JEHOVÁ: JIÑI MEBAʼ XʼIXICOB YICʼOT MAʼAÑOBIC BɅ I TAT I ÑAʼ, JACʼɅ ILI CʼAJTIYA TAC:

• 

  ¿Bajcheʼ tsiʼ pʌsʌ i cʼuxbiya jiñi congregación tiʼ tojlel jiñi hermana Myint?

• 

  ¿Chucoch jiñi cʼuxbiya tsaʼ bʌ i pʌsʌ jiñi congregación tsaʼ cʼʌjñibʌyi chaʼan miʼ yʌjlel chuqui wem bʌ?

• 

  ¿Bajcheʼ tsiʼ colta i yixicʼalob hermana Myint jiñi cʼuxbiya tsaʼ bʌ i pʌsʌ jiñi hermanojob?

¿Bajcheʼ miʼ mejlel a pʌs chaʼan mucʼʌch a ñaʼtan jiñi hermanajob yaʼ ti a congregación?