ÑUC TAC BɅ I CʼɅJÑIBAL TI BIBLIA

Laʼ lac tsajcan Jehová tiʼ pejtelel lac pusicʼal

Cʼʌlʌl cheʼ bʌ xcolelto, Caleb tiʼ tsajca Jehová tiʼ pejtelel i pusicʼal (Jos. 14:7, 8).

Cheʼ bʌ ñoxix, Caleb tsiʼ ñopo chaʼan Jehová mi caj i coltan i tsʼʌctesan jiñi tsaʼ bʌ i cʼajtibe (Jos. 14:10-12; w04-S 1/12 12 párr. 2).

Caleb tsaʼ aqʼuenti i chobejtʌbal come tsiʼ melbe i yeʼtel Jehová tiʼ pejtelel i pusicʼal (Jos. 14:13, 14; w06-S 1/10 18 párr. 11).

Foto tac chaʼan juntiquil xucʼul bʌ hermana wocol jax bʌ miʼ yubin tiʼ caj ñoxix. 1. Miʼ cʼʌn bastón chaʼan miʼ mejlel ti buchtʌl yicʼot chaʼan miʼ chaʼlen oración. 2. Woliʼ chaʼlen subtʼan ti alʌ carro yicʼot juntiquil hermana xcolelto bʌ. 3. Woliʼ pʌsben foto tac jiñi alʌlob ti congregación. 4. Tijicña miʼ yubin i bʌ.

Jiñi i ñopoñel Caleb tsaʼ caji ti ñumen pʼʌtʼan cheʼ bʌ tsiʼ mele majlel tsaʼ bʌ subenti ti Jehová yicʼot cheʼ bʌ tsiʼ qʼuelbe i bendición. Cheʼ bʌ mi laj qʼuel bajcheʼ Jehová miʼ jacʼ jiñi la coración tac yicʼot miʼ cʌntesañonla, miʼ ñijcan lac pusicʼal chaʼan mi lac bej melben i yeʼtel (1 Jn. 5:14, 15).