¿Bajcheʼ miʼ mejlelob ti ñumen coltaya jiñi hermanajob?

Jiñi hermanajob cabʌl chuqui miʼ melob chaʼan i Yumʌntel Dios (Sal. 68:11, TNM). Jiñi yonlel estudio an tac bʌ, jiñʌch jiñi hermanajob muʼ bʌ i yʌcʼob, i cheʼ jaʼel, ñumen an hermanajob añoʼ bʌ bajcheʼ precursora regular. Yonlel hermanajob mucʼob ti eʼtel ti Betel, misionerajob, mucʼob ti eʼtel tiʼ melol i yotlel tac chʼujutesaya o traductorajob. I jiñi hermanajob ñumen pʼʌtʌloʼ bʌ tiʼ chaʼan bʌ Jehová, miʼ wen chaʼleñob coltaya tiʼ familia yicʼot ti congregación tac (Pr. 14:1). I sujmʌch chaʼan jiñi hermanajob mach mejlic ti waʼchocontelob bajcheʼ ancianojob o siervo ministerial, pero jiñi mach yomic i yʌl chaʼan maʼañic chuqui yambʌ miʼ mejlel i melob. Jin chaʼan, hermana, ¿bajcheʼto miʼ mejlel a ñumen melben i yeʼtel Jehová?

• Chaʼlen wersa a taj wen tac bʌ a melbal (1Ti 3:11; 1Pe 3:3-6).

• Coltan yambʌ hermanajob chaʼan miʼ ñumen tajob i ñaʼtʌbal (Tit 2:3-5).

• Chaʼlen wersa yaʼ ti a subtʼan.

• Cʌñʌ yambʌ tʼan.

• Miʼ mejlel a chaʼlen coltaya yaʼ baqui ñumen yomobto xsubtʼañob.

• Maʼ mejlel a cʼajtin majlel ti Betel o baqui miʼ mejlel i yotlel chʼujutesaya.

• Maʼ mejlel a cʼajtin majlel ti Escuela chaʼan evangelizadores.

CHEʼ BɅ TSAʼIX LAʼ QʼUELE JIÑI VIDEO «HERMANAJOB WOLI BɅ I CHAʼLEÑOB WERSA I MELBEÑOB I YEʼTEL LAC YUM», JACʼɅ ILI CʼAJTIYA:

• ¿Bajcheʼ tsiʼ coltayet am bʌ i meleyob ili hermanajob?