¿Majqui jiñi a wamigojob yaʼ ti internet?

Juntiquil la camigo jiñʌch wen ñʌmʌl bʌ laʼ quicʼot yicʼot mi lac wen cʼuxbin. Cheʼ bʌ David tiʼ tsʌnsa Goliat, Jonatán tsaʼ sujti ti wem bʌ yamigo (1 S. 18:1). Jujuntiquil tsiʼ qʼuelbeyob i bʌ wem bʌ i melbalob i jin tsaʼ bʌ i coltayob chaʼan miʼ sujtelob tiʼ yamigojob i bʌ. Jin chaʼan mi la com lac taj wem bʌ la camigo, yom mi la cʌqʼuen i yorajlel i mi lac chaʼlen wersa chaʼan mi laj cʌn jiñi yambʌ. Yaʼ ti internet miʼ mejlel a «poj taj a wamigojob» i jasʌl maʼ jacʼ jiñi solicitud muʼ bʌ i chocbeñetob tilel. Pero yaʼ ti internet miʼ mejlel i muc bajcheʼ ñoj yilal juntiquil quixtañu come an i tajol jin jach yujil majqui miʼ qʼuel chuqui tac muʼ bʌ i cʼʌjquesan i chuqui tac muʼ bʌ i tsʼijbun. Jin chaʼan, yomʌch mi lac tsʼitaʼ ñaʼtan chuqui mi caj lac mel cheʼ bʌ mi lac chocbentel tilel jumpʼejl solicitud chaʼan yom sujtel ti la camigo juntiquil yaʼ ti internet. Mach a bʌcʼñan chaʼan mi caj i michʼan mi maʼañic tsaʼ jacʼbe i solicitud jiñi quixtañu mach bʌ a wen cʌñʌyic. Come an jax cabʌl wocol, an maʼan bʌ miʼ melob i cuenta ti internet. Pero, ¿chuqui yom maʼ mel mi jatet a wom a mel a cuenta ti internet?

CHEʼ BɅ TSAʼIX LAʼ QʼUELE JIÑI VIDEO YOM TSAJILET CHEʼ MAʼ CʼɅN JIÑI INTERNET, JACʼɅ ILI CʼAJTIYA TAC:

• 

  ¿Chuqui yom bʌ maʼ ñaxan ñaʼtan cheʼ bʌ woli a ñaʼtan a cʼʌjquesan foto tac o chuqui tac muʼ bʌ a tsʼijbun?

• 

  ¿Chucoch mach ti orajic yom mi lac jacʼ cheʼ an majqui miʼ chocbeñonla tilel solicitud ti internet?

• 

  ¿Chucoch yomʌch maʼ wʌqʼuen i yorajlel chaʼan bajcheʼ jalel mi caj a wochel ti internet? (Ef 5:15, 16).