Pejtelel jiñi wocol tac añʌch i jilibal

Jiñi wocol tac miʼ mejlel i cʼuñʼesañonla, ñumento mi tsaʼ wen jalʼa. David yujilix chaʼan jiñi wocol am bʌ yicʼot Saúl maʼañic mi caj i wen jalʼan i cheʼ jaʼel yujilix chaʼan jiñʌch mi caj i yochel ti rey, cheʼ bajcheʼ tsaʼix i yʌlʌ Jehová (1 S. 16:13). Jiñi i ñopoñel am bʌ i chaʼan David tsiʼ colta chaʼan miʼ chʌn pijtan ti Jehová.

Cheʼ mi lac ñusan wocol tac miʼ mejlel lac mel chuqui wen, miʼ mejlel laj cʼʌn lac ñaʼtʌbal, i jiñi mi caj i coltañonla chaʼan wen jach mi lac lʌtʼ majlel jiñi wocol (1 S. 21:12-14; Pr. 1:4). Pero an i tajol an wocol tac mach bʌ añic miʼ jilel anquese tsaʼʌch lac jacʼʌ ti wen jiñi principio tac. Mi cheʼʌch miʼ yujtel, laʼ lac pijtan chaʼan Jehová mi caj i coltañonla. Mach jalix yom chaʼan Jehová mi caj i jisan jiñi lac wocol tac yicʼot mi caj i sujcun i yaʼlel lac wut (Ap 21:4). Tajol jiñi lac wocol tac mucʼʌch i jilel come Jehová miʼ coltañonla o an yambʌ chuqui miʼ mel chaʼan miʼ coltañonla, pero la cujil bʌ jiñʌch chaʼan jiñi lac wocol tac añʌch i jilibal. I jiñi miʼ ñuqʼuesan lac pusicʼal.

CHEʼ BɅ TSAʼIX LAʼ QʼUELE JIÑI VIDEO JUMPʼEJL TEJCLUM TEMEL BɅ ANQUESE TʼOXOL ILI PAÑIMIL, JACʼɅ ILI CʼAJTIYA TAC:

• ¿Chuqui ti wocol tsiʼ ñusayob yonlel hermanojob yaʼ ti sur chaʼan Estados Unidos?

• ¿Bajcheʼ tsiʼ pʌsʌyob chaʼan añobʌch i pijt yicʼot yujilob cʼuxbiya?

• ¿Chuqui jiñi ñumen ñuc bʌ chaʼan jiñi hermanojob? (Flp 1:10).