Cʼʌñʌ jw.org chaʼan maʼ taj wem bʌ ticʼojel tac

Yaʼ tiʼ Tʼan Dios mi lac taj pejtelel jiñi i cʼʌjñibal bʌ lac chaʼan chaʼan mi lac lʌtʼ jiñi wocol tac am bʌ ti ili cojix tac bʌ qʼuin (2Ti 3:1, 16, 17). Pero an i tajol i cʼʌjñibal lac chaʼan ticʼojel tac yicʼot principio tac tsiquil bʌ miʼ subeñonla chuqui yom mi lac mel. Jumpʼejl ejemplo, ¿a wom ba coltʌntel chaʼan maʼ cosan a walobilob? ¿Tsaʼ ba chʌmi a ñoxiʼal o a wijñam? Mi xcolelet, ¿woli ba a ñusan jumpʼejl wocol muʼ bʌ i mejlel i jem jiñi muʼ bʌ a ñop? Ti jw.org mi lac taj tema tac baqui miʼ tilel principio tac muʼ bʌ i yʌl chuqui miʼ mejlel lac mel ti ili wocol tac o ti yan tac bʌ muʼ bʌ lac ñusan (Pr. 2:3-6).

Cheʼ bʌ maʼ jam jw.org, cucu ti «Cʌntesa tac» i yajcan jumpʼejl tema (imagen 1). O cucu ti «Biblioteca», cheʼ jiñi ti «Yan tac bʌ temaj» i yajcan jumpʼejl (imagen 2). Jiñʌch muʼ bʌ caj a taj jaʼel ti JW Library^®.a ¿Ixcu cheʼ muqʼuic a pam qʼuel jiñi tema tac muʼ bʌ i tilel yaʼi? Yambʌ muʼ bʌ i mejlel a mel jiñʌch cheʼ maʼ cʼʌn jiñi buscador (jiñi alʌ lupa am bʌ ti jw.org) chaʼan maʼ sʌclan jumpʼejl tema a wom bʌ a pejcan.

Tsʼijbun ili tema tac yaʼ ti buscador i mele jumpʼejl lista chaʼan jiñi a wom tac bʌ a pejcan:

• I cosʌntel la calobilob

• Xcolelob añoʼ bʌ i depresión

• Cheʼ miʼ chʌmel la quijñam o lac ñoxiʼal