Jiñi ñujpuñel chaʼañʌch tiʼ pejtelel ora

Jiñi xñujpuñelob wem bʌ añob miʼ yʌqʼueñob i ñuclel Jehová yicʼot tijicñayob (Mr 10:9). Jiñi xñoptʼan yom bʌ chaʼan miʼ jalijel jiñi i ñujpuñel yicʼot chaʼan tijicña miʼ yajñel, yom miʼ jacʼ jiñi principio tac cheʼ baʼ ora miʼ yajcan majqui mi caj i ñujpuñel yicʼot.

Mach a tech jumpʼejl noviazgo cheʼ bʌ cʌlʌx pecʼto a jabilel come ti jimbʌ ora wen a wom piʼleya maʼ wubin i jiñi miʼ mejlel i socbeñet a pensar (1Co 7:36). Cheʼ bʌ a bajñelto, chaʼlen wersa chaʼan maʼ ñumen lʌcʼtesan a bʌ ti Dios yicʼot chaʼan maʼ taj wen tac bʌ a melbal. Cheʼ bajcheʼ jiñi, chajpʌbiletix chaʼan maʼ sujtel ti wem bʌ ñoxiʼal o ijñamʌl.

Cheʼ bʌ muʼto caj a ñujpuñel, ñaxan wen qʼuele chuqui an tiʼ pusicʼal jiñi yambʌ (1Pe 3:4). Mi anto a duda, chaʼlen tʼan a wicʼot jiñi woli bʌ a ñaʼtan a pʌy. Cheʼ bajcheʼ maʼ mel tiʼ tojlel yambʌlob, ti jiñi ñujpuñel jiñʌch yom maʼ wʌcʼ ti a ñaʼtʌbal jaʼel chuqui miʼ mejlel a wʌcʼ i mach jiñic chuqui miʼ mejlel a taj (Flp 2:3, 4). Mi mucʼʌch a jacʼ jiñi principio tac cheʼ bʌ a bajñelto, mach wen wocolic mi caj a wubin chaʼan maʼ jacʼ cheʼ bʌ ñujpuñemetix, i tijicña mi caj a chumtʌl.

CHEʼ BɅ TSAʼIX LAʼ QʼUELE JIÑI VIDEO ¿BAJCHEʼ MIʼ MEJLEL A CHAJPAN A BɅ CHAʼAN JIÑI ÑUJPUÑEL? PARTE 3: ÑAʼTAN CHUQUI TAC MI CAJ A JISAN, JACʼɅ ILI CʼAJTIYA TAC:

• ¿Bajcheʼ yilal majlel i noviazgo jiñi hermana yicʼot Shane?

• ¿Chuqui tsiʼ taja i qʼuel jiñi hermana cheʼ bʌ tsaʼ caji i ñumen cʌn Shane?

• ¿Bajcheʼ tsaʼ coltʌnti tiʼ papá yicʼot i mamá, i chuqui tsiʼ mele?