Yom chajpʌbilet chaʼan baʼ ora yom maʼ waʼ majlel ti doctor

¿Chucoch yom chajpʌbilonla? Ti lac pejtelel miʼ mejlel i waʼ tajonla wocol o mi lac waʼ otsʌntel ti hospital. Mi la com chaʼan wen mi laj qʼuejlel, yomix mi lac tech lac chʼʌm jiñi coltʌntel tac am bʌ i mach jinto mi lac pijtan cheʼ bʌ añoñixla ti wocol. Cheʼ bajcheʼ jiñi mi caj lac pʌs chaʼan mi laj qʼuel ti ñuc jiñi laj cuxtʌlel yicʼot jiñi albil bʌ i chaʼan Jehová chaʼan jiñi chʼichʼ (Hch 15:28, 29).

¿Bajcheʼ miʼ mejlel lac chajpan lac bʌ?

• Cheʼ bʌ tsaʼix a wen ñaʼta yicʼot a chaʼle oración, butʼu jiñi Declaración previa de voluntad para la atención médica (DPA).a Jiñi chʼʌmʌlix bʌ i chaʼañob jaʼ miʼ mejlel i cʼajtibeñob jiñi am bʌ tiʼ wenta jiñi publicación tac, i jiñi tatʌlob miʼ mejlel i cʼajtiñob jiñi Tarjeta de identidad (ic) chaʼan jiñi chutobto bʌ i yalobilob.

• Mi embarazadajet, cʼajtiben jiñi ancianojob jiñi Información para mujeres embarazadas (S-401), muʼ bʌ caj i coltañet chaʼan maʼ ñaʼtan chuqui yom maʼ mel mi tsaʼ ujti wocol cheʼ bʌ embarazadajetto o cheʼ bʌ muqʼuix a weñʼan.

• Mi an chuqui yom miʼ mejlel baqui miʼ yʌjlel chaʼan yom miʼ cʼʌjñel chʼichʼ o maʼ chaʼlentel ti internar, wʌn suben jiñi ancianojob yicʼot jiñi doctor chaʼan a wom miʼ julaʼtañet juntiquil i testigo Jehová wʌn yajcʌbilix bʌ.

¿Bajcheʼ miʼ mejlelob ti coltaya jiñi ancianojob? Miʼ mejlel i coltañetob a butʼ jiñi DPA, pero maʼañic mi caj i subeñetob chuqui yom maʼ mel come an ti a wenta jiñi (Ro 14:12; Gál 6:5). Cheʼ bʌ maʼ suben jiñi ancianojob ti a congregación chaʼan tsiʼ tajayet jumpʼejl wocol baqui miʼ mejlel a subentel a chʼʌm chʼichʼ, ti ora mi caj i pejcañob jiñi Comité muʼ bʌ i pejcan doctorob (CPD).

¿Bajcheʼ miʼ mejlel ti coltaya jiñi Comité muʼ bʌ i pejcan doctorob? Jiñi hermanojob añoʼ bʌ ti ili comité miʼ cʌntesʌntelob chaʼan miʼ mejlel i coltañob jiñi doctor yicʼot jiñi yambʌ xʼeʼtelob chaʼan miʼ ñaʼtañob chucoch maʼañic mi lac chʼʌm chʼichʼ. Miʼ mejlel i subeñob jiñi doctorob chuqui tac miʼ mejlel i melob chaʼan maʼañic miʼ yotsʌbeñoñobla chʼichʼ i miʼ mejlel i coltañetob chaʼan maʼ taj juntiquil doctor yomʌch bʌ i mel jiñi woli bʌ a cʼajtin.

CHEʼ BɅ TSAʼIX LAʼ QʼUELE JIÑI VIDEO ¿CHUQUI MIʼ MEJLEL LAC MEL MI TSAʼ LAC TAJA WOCOL CHAʼAN JIÑI CHʼICHʼ?, JACʼɅLA ILI CʼAJTIYA:

• ¿Chuqui tac mi caj i coltañet chaʼan chajpʌbilet mi tsaʼ taja jumpʼejl wocol tiʼ caj chʼichʼ?

  textarea-1