I MELBAL JIÑI XÑOPTʼAN
Qʼuele chuqui miʼ yʌl Jehová
La com chaʼan Jehová wen miʼ qʼuelonla, jin chaʼan yomʌch mi lac wen qʼuel chaʼan jiñi muʼ bʌ lac ñaʼtan lac mel lajalʌch bajcheʼ miʼ ñaʼtan, mach yʌlʌlic mi maʼañic jumpʼejl mandar muʼ bʌ i jamʌ al chuqui yom mi lac mel (Pr. 27:11). ¿Bajcheʼ miʼ mejlel lac mel?
Cheʼ mi lac pejcan jiñi Biblia ti jujumpʼejl qʼuin. Jajayajl mi lac pejcan jiñi Biblia, lajalʌch bajcheʼ woli lac ñusan qʼuin la quicʼot Jehová. Mi caj lac ñumen cʌn chuqui miʼ ñaʼtan Jehová cheʼ bʌ mi laj qʼuel bajcheʼ yilal tsiʼ mele tiʼ tojlel i tejclum yicʼot cheʼ bʌ mi lac wen ñaʼtan jiñi wem bʌ ejemplo yicʼot mach bʌ weñic ejemplo tac muʼ bʌ i yʌjlel ti Biblia. Cheʼ bajcheʼ jiñi, cheʼ bʌ an chuqui mi lac yajcan lac mel, jiñi chʼujul bʌ espíritu mi caj i coltañonla laj cʼajtesan jiñi principio tac yicʼot cʌmbil bʌ lac chaʼan ti Biblia (Jn 14:26).
Cheʼ mi lac mel investigación. Cheʼ bʌ wolito a ñaʼtan chuqui yom maʼ mel, cʼajtiben a bʌ: «¿Chuqui ti versículo tac o relato tac am bʌ ti Biblia miʼ mejlel i coltañon c ñaʼtan bajcheʼ yilal miʼ qʼuel Jehová iliyi?». Cʼajtiben Jehová chaʼan miʼ coltañet yicʼot cʼʌñʌ jiñi eʼtijibʌl tac am bʌ ti a tʼan chaʼan miʼ coltañet a taj yicʼot a jacʼ principio tac chaʼan jiñi wocol woli bʌ a ñusan (Sal. 25:4).
CHEʼ BɅ TSAʼIX LAʼ QʼUELE JIÑI VIDEO MACH YOMIC MI LAC LUJBʼAN CHEʼ BɅ WOLIYONLA TI AJÑEL: LAʼ LAC MɅCʼLAN LAC BɅ TI WEN, JACʼɅLA ILI CʼAJTIYA TAC:
¿Chuqui tac ti wocol tsiʼ ñusa jiñi xchʼoc muʼ bʌ i loqʼuel ti jiñi video?
¿Bajcheʼ miʼ mejlel i coltañet jiñi eʼtijibʌl tac chaʼan estudio chaʼan maʼ lʌtʼ jiñi wocol tac cheʼ bʌ bajcheʼ jiñi?
¿Bajcheʼ miʼ coltañonla cheʼ mi la cʌqʼuen i yorajlel mi lac chaʼlen estudio yicʼot mi lac mel investigación cheʼ bʌ an chuqui mi caj lac mel? (Heb 5:13, 14).