Kokkinakis v. Greece: Droit réservé
Miʼ tejchel ti chan cʼʌlʌl tiʼ yebal: Junta de Educación de Virginia Occidental yicʼot Barnette; Kokkinakis yicʼot Grecia; Entidad religiosa local de Taganrog yicʼot yañoʼ bʌ tiʼ contra Rusia; Cha yicʼot yañoʼ bʌ tiʼ contra Corea del Sur.
I MELBAL JIÑI XÑOPTʼAN
Mi lon j coltan jiñi subtʼan
Jiñi israelitajob tsaʼʌch i coltayob jiñi eʼtel chaʼan miʼ chaʼ mejlel jiñi templo anquese jiñi i contrajob tsiʼ ñopo i mʌctañob (Esd. 5:11-16). Ili ora, jiñi xñoptʼañonbʌla mi laj coltan jiñi subtʼan jaʼel (Flp 1:7). Jin chaʼan, cheʼ ti 1936 tsaʼ mejli jiñi Departamento chaʼan asuntos legales. Ili ora, ili departamento chaʼan jiñi Central Mundial miʼ chʼʌm tiʼ wenta i coltan chaʼan miʼ mejlel i yeʼtel Jehová tiʼ petol pañimil. ¿Bajcheʼ woliʼ mel i bajcheʼ woliʼ coltañonla jiñi i yeʼtel?
CHEʼ BɅ TSAʼIX LAʼ QʼUELE JIÑI VIDEO CɅÑɅ JIÑI DEPARTAMENTO CHAʼAN ASUNTOS LEGALES CHAʼAN JIÑI CENTRAL MUNDIAL, JACʼɅLA ILI CʼAJTIYA TAC:
¿Chuqui tac ti wocol an i tajayob jiñi i testigojob Jehová?
¿Chuqui tac ti wocol an mejli i tojʼesañob ti jiñi meloñibʌl tac? Alʌ jumpʼejl ejemplo.
¿Chuqui miʼ mejlel lac mel chaʼan mi laj coltan jiñi subtʼan?
Yaʼ ti lac página chaʼan internet, ¿baqui miʼ mejlel a qʼuel chaʼan jiñi wocol tac am bʌ tojʼesʌnti ti jiñi meloñibʌl tac yicʼot i cʼabaʼob jiñi i testigojob Jehová añoʼ bʌ ti cárcel tiʼ caj chuqui ñopolob i chaʼan?