I MELBAL JIÑI XÑOPTʼAN
Laʼ lac pʌs xucʼul bʌ cʼuxbiya cheʼ bajcheʼ Jehová
Jehová jiñʌch muʼ bʌ i wen pʌs xucʼul bʌ cʼuxbiya (Sal. 103:11). Ili cʼuxbiya mach jumuqʼuic jach, miʼ jalijel tiʼ pejtelel ora. Ili yomʌch i yʌl cheʼ bʌ wen lʌcʼʌlonla tiʼ tojlel yambʌ i mach la comic lac ñajtʼesan lac bʌ tiʼ tojlel. Jehová mach junsujtelic jach tsiʼ pʌsbe i cʼuxbiya jiñi i tejclum. Tsiʼ locʼsayob ti Egipto i tsiʼ pʌyʌyob majlel ti jiñi Lum tsaʼ bʌ wʌn subentiyob (Sal. 105:42-44). Tsiʼ wen colta i tejclum i mach junsujtelic jach tsiʼ ñusʌbeyob i mul (Sal. 107:19, 20). Cheʼ bʌ mi lac wen qʼuel bajcheʼ tac Jehová tsiʼ pʌsʌ xucʼul bʌ cʼuxbiya, mi lac mulan lac lajin (Sal. 107:43).
CHEʼ BɅ TSAʼIX LAʼ QʼUELE JIÑI VIDEO LAʼ LAC WEN TSAJIN BAJCHEʼ TAC TSIʼ PɅSɅ XUCʼUL BɅ I CʼUXBIYA JEHOVÁ JACʼɅLA ILI CʼAJTIYA TAC:
¿Bajcheʼ tac miʼ mejlel lac pʌs xucʼul bʌ cʼuxbiya?
¿Chucoch añʌch chuqui tac yom mi lac mel chaʼan mi lac pʌs xucʼul bʌ cʼuxbiya?