I MELBAL JIÑI XÑOPTʼAN
Jehová miʼ coltan jiñi wen chʼijyemoʼ bʌ
I tilelʌch cheʼ an i tajol chʼijyem mi la cubin lac bʌ, pero ili mach yomic i yʌl chaʼan maʼañic mi lac wen ñop Jehová o chaʼan mach pʼʌtʌloñicla, come jinto Jehová jaʼel an i tajol chʼijyem miʼ yubin i bʌ (Gn. 6:5, 6). Pero mi cʌlʌx chʼijyemet o tiʼ pejtelel ora cheʼ maʼ wubin a bʌ bajcheʼ jiñi, ¿chuqui miʼ mejlel a mel?
Cʼajtiben i coltaya Jehová. Jehová i wentajʌch bajcheʼ yubil mi la cubin lac bʌ yicʼot jiñi muʼ bʌ lac ñaʼtan, i miʼ chʼʌmben i sujm. Yujil baqui ora chʼijyemonla o tijicñayonla (Sal. 7:9b). Jehová miʼ mejlel i coltañonla cheʼ bʌ chʼijyemonla o mi an lac chaʼan depresión come mucʼʌch i ñaʼtañonla (Sal. 34:18).
Cʌntan chuqui maʼ ñaʼtan. Jiñi mach tac bʌ weñic mi lac ñaʼtan mucʼ jach i chilbeñonla lac tijicñʌyel, cheʼ jaʼel miʼ mejlel i ñajtʼesañonla ti Jehová. Jin chaʼan, wen ñuc i cʼʌjñibal mi laj cʌntan lac pusicʼal, ili yom i yʌl, bajcheʼ yubil mi la cubin lac bʌ yicʼot chuqui mi lac ñaʼtan (Pr. 4:23).
CHEʼ BɅ TSAʼIX LAʼ QʼUELE JIÑI VIDEO JIÑI LA QUERMAÑUJOB AÑOB I ÑɅCHʼTɅLEL ANQUESE AÑOB I CHAʼAN DEPRESIÓN, JACʼɅLA ILI CʼAJTIYA TAC:
¿Chuqui tac tsiʼ mele Nikki chaʼan miʼ lʌtʼ majlel jiñi depresión?
¿Bajcheʼ tsiʼ ñaʼta Nikki chaʼan yom miʼ majlel ti doctor? (Mt 9:12).
¿Chuqui tsiʼ mele Nikki chaʼan miʼ coltan i bʌ ti Jehová?