Laʼ laj cʼʌn ti wen jiñi espejo

Jiñi xcʌntʼan Santiago tsiʼ yʌlʌ chaʼan jiñi Biblia lajal bajcheʼ jumpʼejl espejo muʼ bʌ i coltañonla laj cʌn bajcheʼ yilalonla (Sant. 1:​22-25). Pero, ¿bajcheʼ miʼ mejlel laj cʼʌn ti wen?

Laʼ lac pejcan jiñi i Tʼan Dios, pero xucʼul jach yom mi lac mel. Mi ora jach mi lac waʼ qʼuel lac bʌ ti espejo, tajol maʼañic mi caj lac luʼ taj laj qʼuel chuquito yom mi lac tojʼesan. Cheʼʌch miʼ yujtel jaʼel yicʼot jiñi Biblia, mi ora ora jach mi lac pejcan majlel tajol maʼañic mi caj lac taj laj qʼuel chuquito yom bʌ mi laj qʼuextan ti lac tojlel. Jin chaʼan, xucʼul jach yom mi lac pejcan.

Laʼ lac ñaʼtan chuqui yom bʌ mi lac mel joñonla, i mach jiñic yañoʼ bʌ. Jiñʌch bajcheʼ i tojel an jiñi espejo, miʼ mejlel lac taj laj qʼuel yambʌ lac piʼʌlob yicʼot i sajtemalob. Jiñʌch muʼ bʌ i mejlel ti ujtel jaʼel cheʼ bʌ mi lac pejcan jiñi Biblia, tajol jin jach mi lac tech lac ñaʼtan chuqui yom bʌ miʼ melob jiñi yañoʼ bʌ. Pero mach weñic bajcheʼ jiñi come tajol maʼañic mi caj lac taj laj qʼuel chuqui yom bʌ mi lac tojʼesan joñonla.

Yom pʼisbilon jachla. ¿Chuqui miʼ mejlel ti ujtel mi jin jach mi laj qʼuel chuqui maʼañic bʌ mi lac mulan ti lac tojlel ti jiñi espejo? Chʼijyem mi caj la cubin lac bʌ. Chaʼan mach cheʼic mi la cujtel bajcheʼ jiñi cheʼ bʌ mi lac pejcan jiñi Biblia, mach yomic ñumen ti pʼis chuqui mi lac ñaʼtan ti lac tojlel i jin jach yom mi lac chaʼlen wersa lac mel yom bʌ Jehová chaʼan mi lac mel (Sant. 3:17).