Laʼ lac locʼsʌben i wenlel jiñi dibujo o foto tac

Jiñi lac jun tac miʼ chʼʌm tilel cabʌl dibujo o foto tac muʼ bʌ i coltañonla laj cʼajtesan jiñi ñumen ñuc tac bʌ i cʼʌjñibal. ¿Chuqui miʼ mejlel lac mel chaʼan mi lac locʼsʌben i wenlel?

• Pam qʼuele jiñi dibujo o foto tac cheʼ bʌ muʼto caj a pejcan jumpʼejl tema. Jiñi miʼ mejlel i coltañet chaʼan maʼ ñumen mulan a pejcan. Laʼcu lac ñaʼtan iliyi, cheʼ bʌ an chuqui la com laj cʼux, mi lac ñaxan qʼuel bajcheʼ yilal. Lajalʌch jaʼel cheʼ bʌ mi lac pejcan jiñi publicación tac, yom mi lac ñaxan cʼajtiben lac bʌ: «¿Chuqui mic tajeʼ j qʼuel?» (Amós 7:​7, 8).

• Cheʼ bʌ maʼ pejcan jumpʼejl tema, ñaʼtan chucoch tsaʼ yajcʌnti jiñi dibujo o foto. I mi woliʼ tsictesʌntel jiñi dibujo o foto, pejcan chuqui miʼ yʌl. Ñaʼtan bajcheʼ miʼ taj i bʌ yicʼot jiñi tema yicʼot chuqui miʼ pʌsbeñet.

• Cheʼ bʌ maʼ wujtel a pejcan jumpʼejl tema, qʼuele jiñi dibujo o foto tac chaʼan maʼ cʼajtesan jiñi ñumen ñuc tac bʌ i cʼʌjñibal. Cheʼ jiñi, mutsʼu a wut i ñopo a cʼajtesan jiñi dibujo o foto tac yicʼot chuqui tsaʼ cʌñʌ.

• Ñopo a mel yicʼot ili revista. Chaʼ qʼuele jiñi dibujo o foto tac i qʼuele mi cʼajalʌch a chaʼan chuqui tsaʼ cʌñʌ.